ദീപാവലി ആഘോഷം കൊഴുപ്പിക്കാന് ആരാധകര് ആകാംക്ഷയോടെ
കാത്തിരിക്കുന്ന വിജയ് ചിത്രമായ ബിഗിലിന്റെ ട്രെയിലര് എത്തി. രാജാറാണി, തെറി, മെര്സല് തുടങ്ങിയ സിനിമകള്ക്ക് ശേഷം അറ്റ്ലി വീണ്ടും എത്തുകയാണ്.
മൈക്കിൾ അഥവാ ബിഗിൽ ആയി വിജയ് എത്തുമ്പോൾ നായിക ഏഞ്ചൽ ആവുന്നത് മലയാളികളുടെ പ്രിയങ്കരി നയൻതാരയാണ്.
വിജയ് ഇരട്ട വേഷങ്ങളിലെത്തുന്ന ചിത്രത്തിനായി മാസ്സും ക്ലാസും ചേര്ത്തു വായിക്കാന് കഴിയുന്ന ട്രെയിലറാണ് ഒരുക്കിയിരിക്കുന്നത്. സ്പോര്ട്സും ത്രില്ലറും സമന്വയിപ്പിച്ചൊരുക്കുന്ന ചിത്രം നേരത്തെ തന്നെ ആരാധകരുടെ ശ്രദ്ധ പിടിച്ചു പറ്റിയിരുന്നു.
കതിര്, ജാക്കി ഷ്രോഫ്, വിവേക്, ഡാനിയേല് ബാലാജി, യോഗി ബാബു, വര്ഷ ബൊലമ്മ എന്നിവരും ചിത്രത്തില് പ്രധാന വേഷം അവതരിപ്പിക്കുന്നു. സിനിമയുടെ സംഗീതം ഒരുക്കുന്നത് എ.ആര് റഹ്മാനാണ്.
ചിത്രത്തിന്റെ ട്രെയിലര് ലോഞ്ചിനു മുമ്പ് തന്നെ സിനിമയുടെ കേരളത്തിലെ വിതരണാവകാശം പൃഥ്വിരാജ് ഏറ്റെടുത്തിരുന്നു. ഇതുവരെ ഒരു തമിഴ് ചിത്രത്തിനും ലഭിക്കാത്ത തുകയ്ക്കാണ് ചിത്രത്തിന്റെ വിതരണാവകാശം പൃഥ്വിരാജ് പ്രൊഡക്ഷൻസും ലിസ്റ്റിൻ സ്റ്റീഫന്റെ മാജിക് ഫ്രെയിംസും ചേര്ന്നു സ്വന്തമാക്കിയത്. 125 കേന്ദ്രങ്ങളിലധികം അന്യ ഭാഷ ചിത്രങ്ങൾ കേരളത്തിൽ റിലീസ് ചെയ്യാൻ പാടില്ലെന്ന് നിബന്ധനയുണ്ട്. അതു കൊണ്ടു തന്നെ എത്ര തിയറ്ററിൽ സിനിമ റിലീസിന് ഉണ്ടാകും എന്നതിനെ പറ്റി തീരുമാനമായിട്ടില്ല.