തൊടുപുഴ: മദ്യം പൊതിഞ്ഞു നല്കുന്നതിനെ ചൊല്ലി തൊടുപുഴയിലെ മദ്യവില്പന ശാലയില് കത്തിക്കുത്ത്. മദ്യം വാങ്ങാനെത്തിയ ആള് 3 ജീവനക്കാരെ കുത്തി പരുക്കേല്പ്പിച്ചു. ഒരു സെയില്സ്മാനും 2 സെക്യൂരിറ്റി ജീവനക്കാര്ക്കുമാണു കുത്തേറ്റത്.
തൊടുപുഴയിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുന്ന ഇവരുടെ ആരോഗ്യനില തൃപ്തികരമാണെന്ന് അധികൃതര് അറിയിച്ചു.
മുട്ടം സ്വദേശി ജോസ് എന്നയാള് മൂന്നു പേരെയും ആക്രമിച്ച ശേഷം ഓടി രക്ഷപ്പെടുകയായിരുന്നെന്നു ദൃക്സാക്ഷികള് പറയുന്നു. പിന്നീട് പിടികൂടിയ ഇയാളെ പൊലീസ് ചോദ്യം ചെയ്യുകയാണ്.