ചെന്നൈ: ഫെബ്രുവരി 13ന് ചെന്നൈയിലെ എം എ ചിദംബരം സ്റ്റേഡിയത്തിൽ നടക്കുന്ന ഇന്ത്യ-ഇംഗ്ലണ്ട് രണ്ടാം ടെസ്റ്റിന് 50 ശതമാനം കാണികളെ പ്രവേശിപ്പിക്കാൻ തമിഴ്നാട് ക്രിക്കറ്റ് അസോസിയേഷനോട് ബിസിസിഐ ആവശ്യപ്പെട്ടു. അൻപതിനായിരം പേർക്ക് കളി കാണാൻ സൗകര്യമുള്ള സ്റ്റേഡിയമാണിത്. കൊവിഡ് മാനദണ്ഡങ്ങൾ പാലിച്ചായിരിക്കും കാണികളെ പ്രവേശിപ്പിക്കുക. എന്നാൽ അടച്ചിട്ട സ്റ്റേഡിയത്തിൽ മത്സരം നടത്തണമെന്നാണ് ഇംഗ്ലണ്ട് ക്രിക്കറ്റ് ബോർഡിന്റെ നിർദേശം.
ലോക ടെസ്റ്റ് ചാമ്പ്യന്ഷിപ്പിന്റെ ഫൈനലിന് യോഗ്യത നേടാന് ഇന്ത്യക്ക് നിര്ണായകമായ പരമ്പരയാണിത്. നിലവില് ചാമ്പ്യന്ഷിപ്പില് ഇന്ത്യയാണ് തലപ്പത്ത്. ഇംഗ്ലണ്ട് നാലാമതാണ്. കഴിഞ്ഞ തവണത്തെ ഇംഗ്ലണ്ട് പര്യടനത്തിൽ ഇന്ത്യ 4-0ന് പരമ്പര തൂത്തുവാരിയിരുന്നു.
ഇംഗ്ലണ്ട് ടീം: ജോ റൂട്ട് (ക്യാപ്റ്റന്), ജോഫ്ര ആര്ച്ചര്, മൊയീന് അലി, ജയിംസ് ആന്ഡേഴ്സണ്, ഡൊമിനിക് ബെസ്, സ്റ്റുവര്ട്ട് ബ്രോഡ്, റോറി ബേണ്സ്, ജോസ് ബട്ലര്, സാക്ക് ക്രൗളി, ബെന് ഫോക്സ്, ഡാന് ലോറന്സ്, ജാക്ക് ലീച്ച്, ഡോം സിബ്ലി, ബെന് സ്റ്റോക്സ്, ഒല്ലി സ്റ്റോണ്, ക്രിസ് വോക്സ്, ജോണി ബെയ്ർസ്റ്റോ.
ഇന്ത്യ ടീം: വിരാട് കോലി (ക്യാപ്റ്റന്), രോഹിത് ശര്മ, ശുഭ്മാന് ഗില്, ചേതേശ്വര് പൂജാര, മായങ്ക് അഗര്വാള്, അജിങ്ക്യ രഹാനെ (ഉപനായകന്), റിഷഭ് പന്ത്, കെ എല് രാഹുല്, വൃദ്ധിമാന് സാഹ, ഹാര്ദിക് പാണ്ഡ്യ, ജസ്പ്രീത് ബുമ്ര, ഇഷാന്ത് ശര്മ, മുഹമ്മദ് സിറാജ്, ഷാര്ദുല് താക്കൂര്, വാഷിംഗ്ടണ് സുന്ദര്, അക്ഷര് പട്ടേല്, രവിചന്ദ്ര അശ്വിന്, കുല്ദീപ് യാദവ്.