തിരുവനന്തപുരം:സംസ്ഥാനത്ത് പുനരുപയോഗം സാധ്യമല്ലാത്ത പ്ലാസ്റ്റിക് ഉൽപ്പന്നങ്ങൾക്ക് നിരോധനമേർപ്പെടുത്തി സർക്കാർ. ഒറ്റത്തവണ ഉപയോഗിക്കുന്ന എല്ലാ പ്ലാസ്റ്റിക് ഉത്പന്നങ്ങള്ക്കുമാണ് നിരോധനം ഏര്പ്പെടുത്തിയിരിക്കുന്നത്. ഇന്ന് ചേര്ന്ന മന്ത്രിസഭായോഗമാണ് ഇക്കാര്യത്തില് തീരുമാനമെടുത്തത്.
ഉത്പാദനവും വിപണനവും ഉപഭോഗവും ജനുവരി ഒന്നുമുതല് നിരോധിക്കുമെന്നും യോഗത്തില് തീരുമാനമായി. നിയമം ലഘിക്കുന്നവര്ക്കെതിരെ പിഴ ചുമത്തും.ആദ്യ തവണ 10,000 രൂപയാണ് പിഴ. തെറ്റ് ആവർത്തിച്ചാൽ 50,000 രൂപ വരെ പിഴയീടാക്കും.
പ്ലാസ്റ്റിക് കവറുകൾ, പാത്രങ്ങൾ, സ്പൂൺ, തുടങ്ങി പുനരുപയോഗം സാധ്യമല്ലാത്ത പ്ലാസ്റ്റിക് കുപ്പികൾ മുതലായവ നിരോധന പരിധിയിൽ ഉൾപ്പെടും.
മാലിന്യം ശേഖരിക്കുന്ന വലിയ പ്ലാസ്റ്റിക് കവറുകള്ക്കും 300 മില്ലി ലിറ്ററിന് മുകളിലുള്ള പ്ലാസ്റ്റിക് കുപ്പികള്ക്കും സര്ക്കാര് നിരോധനം കൊണ്ടുവരുന്നുണ്ട്.