തിരുവനന്തപുരം: ബാങ്ക് ഓഫ് മഹാരാഷ്ട്ര കേരളത്തിൽ വിപുലീകരിക്കുന്നു. ശാഖകളുടെ എണ്ണം വരുന്ന ജൂണോടെ 30 ലേക്ക് ഉയർത്താനും പദ്ധതിയുണ്ട്. ഇതിന്റെ ഭാഗമായി സോണൽ ഓഫീസും ആരംഭിക്കും. നിലവിൽ ബാങ്കിന് കേരളത്തിൽ 15 ശാഖകളാണുളളത്. സംസ്ഥാനത്ത് 2,000 കോടി രൂപയുടെ ബിസിനസാണ് ബാങ്ക് ലക്ഷ്യമിടുന്നത്. നിലവിലുളള 600 കോടി രൂപയുടെ ബിസിനസ് ഇതോടെ 2,000 കോടിയിലേക്ക് ഉയർത്താനാകുമെന്നാണ് ബിഒഎം കണക്കാക്കുന്നത്. റീട്ടെയിൽ, എംഎസ്എംഇ മേഖലകൾക്ക് പ്രത്യേക പരിഗണന നൽകിയാകും വികസനം.
രാജ്യത്ത് ആകെ ശാഖകളുടെ എണ്ണം ഈ വർഷം മാർച്ചോ‌ടെ 2,000 ത്തിലെത്തിക്കാനാണ് ബാങ്കിന്റെ ആലോചന. ഡിസംബർ 31 ന് അവസാനിച്ച് മൂന്നാം പാദത്തിൽ ബാങ്ക് 154 കോടി രൂപയുടെ അറ്റാദയം നേടി. ബാങ്കിന്റെ മൊത്തം ബിസിനസ് 2,66,875 കോടി രൂപയിലെത്തി. പ്രവർത്തന ലാഭം 902 കോടി രൂപയാണ്.
