ബംഗ്ലാദേശ് നായകന്‍ ഷാക്കിബുല്‍ ഹസന് ഐ.സി.സി രണ്ട് വര്‍ഷത്തെ വിലക്കേര്‍പ്പെടുത്തി. ഒത്തുകളിക്ക് പണം വാഗ്ദാനം ചെയ്ത് വാതുവെപുകാര്‍ സമീപിച്ചത് ഐ.സി.സിയെ അറിയിക്കാത്തതിനെ തുടര്‍ന്നാണ് നടപടി. രണ്ട് വർഷത്തെ വിലക്കായിരുന്നു ഉണ്ടായിരുന്നതെങ്കിലും അത് ഒരു വർഷമാക്കി ഐസിസി ചുരുക്കുകയായിരുന്നു.
“ഞാൻ ഒരുപാട് സ്നേഹിക്കുന്ന ഈ ഗെയിമിൽ നിന്ന് എന്നെ വിലക്കിയത് വലിയ ദുഖമുണ്ടാക്കുന്നുണ്ട്. പക്ഷേ, ഐസിസിയുടെ നടപടി ഞാൻ സ്വീകരിക്കുന്നു. വാതുവെപ്പ് ഏജൻ്റുമാർ സമീപിക്കുമ്പോൾ അത് റിപ്പോർട്ട് ചെയ്യുക എന്ന ജോലി ഞാൻ ചെയ്തില്ല. അതുകൊണ്ട് തന്നെ ഈ വിലക്ക് ഞാൻ സ്വീകരിക്കുന്നു”- ഷാക്കിബ് പറയുന്നു. 2020 ഒക്ടോബർ 29 മുതലാണ് ഷാക്കിബിന് ഇനി ക്രിക്കറ്റ് കളി തുടരാനാവുക.
“ലോകത്തെ മറ്റേതു കളിക്കാരെയും ആരാധകരെയും പോലെ ഈ ഗെയിം അഴിമതി രഹിതമായിരിക്കണെമെന്ന് ഞാൻ ആഗ്രഹിക്കുന്നു. അതിനായി ഐസിസിയുടെ അഴിമതി വിരുദ്ധ സമിതിയോടൊപ്പം ജോലി ചെയ്യാൻ എനിക്ക് സന്തോഷമാണ്”- ഷാക്കിബ് കൂട്ടിച്ചേർത്തു.
