തിരുവനന്തപുരം: വയലിനിസ്റ്റ് ബാലഭാസ്കറിന്റെ മരണം സിബിഐ അന്വേഷിക്കും. കേരള പോലീസിന്റെ കൈയില് നിന്നും അന്വേഷണം ഏറ്റെടുത്ത സിബിഐ കേസില് എഫ്ഐആര് ഇട്ടു. മരണത്തില് ദുരൂഹതയുണ്ടെന്ന് ആരോപിച്ച് കുടുംബം രംഗത്ത് എത്തിയിരുന്നു. കേസ് സിബിഐ അന്വേഷിക്കണമെന്ന് നേരത്തെ തന്നെ സംസ്ഥാന സര്ക്കാര് ശുപാര്ശ ചെയ്തിരുന്നു. ഇതേ തുടര്ന്നാണ് നിലവില് സിബിഐ കേസ് ഏറ്റെടുത്തിരിക്കുന്നത്.
സിബിഐ അന്വേഷണം ആവശ്യപ്പെട്ട് ബാലഭാസ്കറിന്റെ അച്ഛന് മുഖ്യമന്ത്രിയെ സമീപിച്ചിരുന്നു. മരണത്തില് സ്വര്ണക്കടത്ത് മാഫിയയ്ക്ക് അടക്കം പങ്കുണ്ടെന്ന് കുടുംബം ആരോപിച്ചിരുന്നു. ക്രൈംബ്രാഞ്ച് ആണ് നിലവില് കേസ് അന്വേഷിച്ചിരുന്നത്.