ബാഗ്ദാദ്: ഇറാഖിലെ ബാഗ്ദാദിൽ ആശുപത്രിയിലുണ്ടായ അഗ്നിബാധയിൽ 27 പേര്‍ വെന്ത് മരിച്ചു. തെക്ക് കിഴക്കൻ ബാഗ്ദാദിലെ ദിയാല ബ്രിഡ്ജ് പ്രദേശത്തെ ഇബ്നു ഖത്തീബ് ആശുപത്രിയിൽ ഓക്സിജൻ ടാങ്ക് പൊട്ടിത്തെറിച്ചാണ് അപകടമുണ്ടായത്.
ശനിയാഴ്ച രാത്രിയോടെ സംഭവമുണ്ടായിരിക്കുന്നത്. കൊവിഡ് രോഗികള്‍ ചികിത്സയിൽ കഴിയുകയായിരുന്ന ആശുപത്രിയിലാണ് പൊട്ടിത്തെറിയുണ്ടായത്. ഇതിൽ 46 പേര്‍ക്ക് പരിക്കേറ്റിട്ടുണ്ട്. ആശുപത്രിയുടെ ഒന്നിലധികം നിലകളില്‍ തീ പടരുകയായിരുന്നു.
