തിരുവനന്തപുരം: തിരുവനന്തപുരം ഡിവിഷനിലെ ഇരിങ്ങാലക്കുട – പുതുക്കാട് സെക്ഷനില്‍ പാലം പണി നടക്കുന്നതിനാല്‍ രണ്ട് ദിവസം ട്രെയിനുകള്‍ റദ്ദാക്കുന്നു. നവംബര്‍ 18, 19 തീയതികളിലാണ് കേരളത്തില്‍ എട്ട് ട്രെയിനുകള്‍ പൂര്‍ണ്ണമായി റദ്ദാക്കുന്നതെന്ന് ദക്ഷിണ റെയില്‍വേ അറിയിച്ചു.
യാത്രക്കാര്‍ക്ക് നേരിടുന്ന അസൗകര്യത്തില്‍ ഖേദിക്കുന്നതായും റെയില്‍വേ അറിയിച്ചു. 18ാം തീയതി മംഗലാപുരം-തിരുവനന്തപുരം മാവേലി എക്സ്പ്രസ് (16603), എറണാകുളം-ഷൊറണൂര്‍ മെമു എക്സ്പ്രസ് (06018), എറണാകുളം-ഗുരുവായൂര്‍ എക്സ്പ്രസ് (06448) എന്നീ ട്രെയിനുകളും 19ാം തീയതി തിരുവനന്തപുരം-മംഗലാപുരം മാവേലി എക്സ്പ്രസ് (16604), ഷൊറണൂര്‍-എറണാകുളം മെമു എക്സ്പ്രസ് (06017), ഗുരുവായൂര്‍-എറണാകുളം എക്സ്പ്രസ് (06449), എറണാകുളം-കോട്ടയം (06453), കോട്ടയം-എറണാകുളം (06434) ട്രെയിനുകളാണ് പൂര്‍ണമായി റദ്ദാക്കിയത്.
