കൊല്ലം: റെയിൽവേ ട്രാക്കില് തെങ്ങിന്തടി വെച്ച് ട്രെയിന് അട്ടിമറിക്കാന് ശ്രമിച്ച രണ്ടു പേർ അറസ്റ്റിലായി. അട്ടിമറി ശ്രമം നടത്തി മണിക്കൂറുകള്ക്കകമാണ് റെയില്വേ പൊലീസ് പ്രതികളെ പിടികൂടിയത്.ഇടവ തൊടിയില് ഹൗസില് സാജിദ് (27), കാപ്പില് ഷൈലജ മന്സിലില് ബിജു (30) എന്നിവരെയാണ് പൊലീസ് പിടികൂടിയത്.
ട്രാക്കിൽ തെങ്ങിൻ തടി വെച്ചതിനു പിന്നാലെ അതുവഴി കടന്നുവന്ന ചെന്നൈ എഗ്മോർ – ഗുരുവായൂർ എക്സ്പ്രസ് ട്രെയിൻ തടിയിൽ തട്ടിയ ഉടൻ നിർത്തുകയായിരുന്നു. ട്രെയിൻ നിർത്തിയ ശേഷം ലോക്കോ പൈലറ്റ് ട്രാക്കിലുണ്ടായിരുന്ന വലിയ തടി കഷ്ണം എടുത്തു മാറ്റുകയായിരുന്നു. ട്രെയിൻ വേഗം കുറച്ചു വന്നതിനാലാണ് വൻ അപകടം ഒഴിവായതെന്ന് റെയിൽവേ വൃത്തങ്ങൾ പറയുന്നു.
റെയില്വേ പൊലീസ് ചീഫ് രാജേന്ദ്രന്റെ നിര്ദേശ പ്രകാരം സംഭവത്തെക്കുറിച്ച് അന്വേഷിക്കാൻ പ്രത്യേക സ്ക്വാഡിനെ രൂപീകരിച്ചു.