പ്ലസ്ടു വിദ്യാര്‍ഥിനിയുടെ പരാതിയില്‍ പി.ടി.എ. പ്രസിഡന്റിനെതിരേ മാനഭംഗശ്രമത്തിന് പോലീസ് കേസെടുത്തു. സ്‌കൂള്‍ പി.ടി.എ. പ്രസിഡന്റും സി.പി.എം. ഏച്ചിക്കൊവ്വല്‍ വടക്ക് ബ്രാഞ്ച് സെക്രട്ടറിയുമായ ടി.ടി. ബാലചന്ദ്രനെതിരേയാണ് ചന്തേര പോലീസ് ജാമ്യമില്ലാവകുപ്പ് പ്രകാരം കേസെടുത്തത്.
കഴിഞ്ഞ വെള്ളിയാഴ്ച സ്‌കൂളില്‍ ഓണാഘോഷം നടക്കുന്നതിനിടയിലാണ് കേസിനാസ്പദമായ സംഭവം. നൃത്തപരിശീലനത്തിനിടെ കൈയില്‍ പിടിച്ചെന്നും ലൈംഗിക ഉദ്ദേശ്യത്തോടെ ശരീരത്തില്‍ സ്പര്‍ശിച്ചെന്നുമാണ് വിദ്യാര്‍ഥിനിയുടെ പരാതിയില്‍ പറയുന്നത്. ചന്തേര സബ് ഇന്‍സ്പെക്ടര്‍ എം.വി. ശ്രീദാസിനാണ് അന്വേഷണച്ചുമതല.
