പാലക്കാട്: മഞ്ചിക്കണ്ടി മാവോയിസ്റ്റ് ഏറ്റുമുട്ടലിലെ അന്വേഷണ ഉദ്യോഗസ്ഥനെ മാറ്റി. നാലു മാവോയിസ്റ്റുകള് കൊല്ലപ്പെട്ട സംഭവത്തില് അന്വേഷണ ഉദ്യോഗസ്ഥനായിരുന്ന ഡിവൈഎസ്പി ഫിറോസിനെയാണ് മാറ്റിയത്.
വെടിവെപ്പിന് സാക്ഷിയായ ഉദ്യോഗസ്ഥന് തന്നെ കേസന്വേഷിക്കുന്നത് ഉചിതമാവില്ലെന്ന് ചൂണ്ടിക്കാട്ടിയാണ് ക്രൈംബ്രാഞ്ചിന്റെ നടപടി. അന്വേഷണം സുതാര്യമാകുന്നതിന്റെ ഭാഗമായാണ് പുതിയ അന്വേഷണ ഉദ്യോഗസ്ഥനെ നിയമിക്കുന്നതെന്നും ഉത്തരവില് വ്യക്തമാക്കുന്നു. രണ്ടാമത്തെ വെടിവയ്പുനടക്കുമ്പോള് ഫിറോസ് സ്ഥലത്തുണ്ടായിരുന്നു.
ഡിവൈഎസ്പി ഉല്ലാസാണ് പുതിയ അന്വേഷണ ഉദ്യോഗസ്ഥന്. എസ് പി സന്തോഷിനാണ് അന്വേഷണത്തിന്റെ മേല്നോട്ടം.