തൃശൂർ : കോൺഗ്രസ് നേതാവ് രാഹുൽ മാങ്കൂട്ടത്തിലിന്റെ വാഹനത്തിനു നേരെ അതിക്രമണം കാണിച്ചു എന്നാരോപിച്ച് പാലിയേക്കര ടോൾ പ്ലാസയിൽ യൂത്ത് കോൺഗ്രസ് പ്രവർത്തകരുടെ പ്രതിഷേധം. ടോൾ നൽകിയിട്ടും വാഹനം തടഞ്ഞു നിർത്തിയെന്നും രാഹുലിനെ ആക്രമിച്ചെന്നുമാണ് ആരോപണം.
രാഹുലിന്റെ വാഹനത്തിന് പിന്നാലെ വന്ന മറ്റൊരു വാഹനം ടോൾ നൽകാതെ കടക്കാൻ ശ്രമിച്ചു. ഈ വാഹനം തടയാനെത്തിയ ടോൾ ജീവനക്കാർ രാഹുലിന് നേരെ കമ്പെറിഞ്ഞു. അതിക്രമം കാണിച്ചവർക്കെതിരെ നടപടി ആവശ്യപ്പെട്ട് സ്ഥലത്തെത്തിയ യൂത്ത് കോൺഗ്രസ് പ്രവർത്തകരാണ് പ്രതിഷേധം നടത്തുന്നത്.
