ഇടുക്കി: ഇടുക്കി ജില്ലയിലെ ചിന്നക്കനാല് പഞ്ചായത്ത് ഓഫീസിന് നേരെ ആക്രമണം. ആക്രമണത്തില് രണ്ട് ജീവനക്കാരുടെ കയ്യൊടിഞ്ഞു. ഭിന്നശേഷിക്കാരനായ സെക്രട്ടറിക്കും പരിക്കേറ്റു. കരാറുകാരന്റെ നേതൃത്വത്തിലുള്ള സംഘമാണ് ആക്രമണത്തിന് പിന്നിലെന്നാണ് സംശയം. രണ്ടാഴ്ച മുന്പ് ഇയാള് നിര്മിച്ച കെട്ടിടത്തിന് പഞ്ചായത്ത് സ്റ്റോപ്പ് മെമ്മോ നല്കിയിരുന്നു. ഇത് പൊളിക്കാന് ഇന്ന് സബ് കളക്ടര് ഉത്തരവിടുകയും ചെയ്തു. ഇതിന്റെ പ്രതികാരമായാണ് ആക്രമണം നടത്തിയതെന്നാണ് പൊലീസ് സംശയിക്കുന്നത്.