തിരുവനന്തപുരം: തനിക്കെതിരെയുണ്ടായ അപവാദ പ്രചരണങ്ങള്‍ക്കും പൊലീസ് നടപടികള്‍ക്കുമെല്ലാം മറുപടിയുമായി സാമൂഹിക പ്രവര്‍ത്തക അശ്വതി ജ്വാല രംഗത്ത്. സമൂഹം എത്രത്തോളം രാഷ്ട്രീയവത്ക്കരിക്കപ്പെട്ടു എന്നു മനസ്സിലാക്കാന്‍ ഈ സംഭവത്തിലൂടെ കഴിഞ്ഞെന്നും ജ്വാല ഫേസ്ബുക്കില്‍ കുറിച്ചു.
‘സംഘടിതമായ അപവാദ പ്രചരണം സമൂഹത്തിലെ ഒരു വിഭാഗത്തിന്റെ ചിന്താഗതിയെ എത്രത്തോളം സ്വാധീനിക്കാം എന്നതിന്റെ ഉദാഹരണം മാത്രമാണ് നിങ്ങള്‍. പ്രചാരണം അഴുച്ചുവിട്ടവരോടും പരാതിയില്ല. കാരണം നിങ്ങള്‍ ജ്വാലയെ എറിഞ്ഞ ഓരോ കല്ലും ഇപ്പോള്‍ പൂമാലയായി ജ്വാലയ്ക്കു മുന്നില്‍ തന്നെ വീഴുകയാണ്’ അശ്വതി തന്റെ കുറിപ്പില്‍ കൂട്ടിച്ചേര്‍ത്തു.
