മൈസൂരുവിലെ പാരമ്പര്യ വൈദ്യന് ഷാബാ ഷെരീഫിനെ ഒരുവര്ഷത്തിലേറെ മുറിയില് പൂട്ടിയിട്ട് പീഡിപ്പിച്ച് കൊലപ്പെടുത്തിയ കേസില് മുഖ്യപ്രതി ഷൈബിന് അഷ്റഫിന്റെ ഭാര്യയെ പോലീസ് അറസ്റ്റ് ചെയ്തു. വയനാട്ടില് നിന്നാണ് ഫസ്നയെ കസ്റ്റഡിയില് എടുത്തത്. വ്യവസായിയായ നിലമ്പൂര് മുക്കട്ട ഷൈബിന് അഷ്റഫും സംഘവും ആണ് വൈദ്യനെ തട്ടിക്കൊണ്ടു വന്നത്. ഇവര്ക്ക് കുറ്റകൃത്യത്തെക്കുറിച്ച് അറിവുണ്ടായിരുന്നു എന്നും തെളിവ് നശിപ്പിക്കാന് പ്രതി കൂട്ടുനിന്നുവെന്നുമാണ് പോലീസ് കണ്ടെത്തല്.
നിലമ്പൂരില് പാരമ്പര്യ വൈദ്യന് ഷാബ ഷെരീഫിനെ കൊന്ന് വെട്ടി നുറുക്കി പുഴയില് എറിഞ്ഞെന്നാണ് കേസ്. മൈസൂര് സ്വദേശിയായ വൈദ്യനെ കൊലപ്പെടുത്തിയത് ഒരു വര്ഷം ചങ്ങലയ്ക്കിട്ട് പീഡിപ്പിച്ച ശേഷമാണ്. മൃതദേഹം കണ്ടെത്താനാകാത്ത കേസില് പരമാവധി ശാസ്ത്രീയ തെളിവുകള് ശേഖരിക്കാനുള്ള ശ്രമത്തിലാണ് അന്വേഷണസംഘം. 2019 ഓഗസ്റ്റിലാണ് മൈസൂരു സ്വദേശിയായ പാരമ്പര്യ ചികിത്സാ വിദഗ്ധന് ഷാബാ ഷരീഫിനെ നിലമ്പൂരിലേക്ക് തട്ടിക്കൊണ്ടുവന്നത്. മൂലക്കുരുവിനുള്ള ഒറ്റമൂലി മരുന്നിന്റെ രഹസ്യം ചോര്ത്താനായിരുന്നു ഇത്. ഒരു വര്ഷം ചങ്ങലയ്ക്കിട്ട് പീഡിപ്പിച്ചിട്ടും വൈദ്യന് മരുന്നിന്റെ രഹസ്യം പറഞ്ഞുകൊടുത്തില്ല. 2020 ഒക്ടോബറില് മര്ദ്ദനത്തിനിടെ ഷാബാ ഷരീഫ് മരിച്ചു.