പാകിസ്ഥാന്റെ 14ാമത് പ്രസിഡന്റായി ആസിഫ് അലി സര്‍ദാരിയെ (68) തിരഞ്ഞെടുത്തു. പാകിസ്ഥാന്‍ പീപ്പിള്‍സ് പാര്‍ട്ടി കോ ചെയര്‍പേഴ്‌സണായ അദ്ദേഹം ഇത് രണ്ടാം തവണയാണ് പാകിസ്ഥാന്റെ പ്രസിഡന്റാകുന്നത്.
ബിസിനസിൽ നിന്ന് രാഷ്ട്രീയരംഗത്തേക്ക് കടന്നുവന്ന സർദാരി കൊല്ലപ്പെട്ട മുന്‍ പാക് പ്രധാനമന്ത്രി ബേനസീര്‍ ഭൂട്ടോയുടെ ഭര്‍ത്താവാണ്. 2008 മുതൽ 2013 വരെ പ്രസിഡന്റ് പദത്തിലിരുന്ന സർദാരി ആ സ്ഥാനത്തേക്ക് രണ്ടാമതുമെത്തുന്ന ആദ്യ സാധാരണ പൗരനാണ്. ഞായറാഴ്ച സർദാരി സ്ഥാനമേൽക്കുമെന്നാണ് വിവരം.
