ദുബായ്: ഏഷ്യ കപ്പില് ഇന്ത്യ – പാക്ക് മത്സരത്തിനിടെ ജനഗണമന പാടിയ പാക്ക് ആരാധകന്റെ വീഡിയോ വൈറലാവുന്നു. ഇന്ത്യയുടെ ദേശീയ ഗാനം ആലപിക്കുമ്പോള് ഇദ്ദേഹം എഴുന്നേറ്റ് നിന്ന് ദേശീയഗാനം ആലപിക്കുന്ന വീഡിയോയാണ് സമൂഹ മാധ്യമങ്ങളില് വൈറലാവുന്നത്. വരികള് പോലും തെറ്റാതെ വളരെ ആസ്വദിച്ചാണ് ആരാധകന് ദേശീയഗാനം ആലപിക്കുന്നത്.
Dear @narendramodi and @ImranKhanPTI … this is a Pakistani man singing the Indian national anthem. This video has gone viral. If you are wondering what people of both nations really want, this is a good indicator. pic.twitter.com/xGZTXgNqUu
— VOICE OF RAM (@VORdotcom) September 21, 2018
അഞ്ചു ലക്ഷത്തിലേറെ ആളുകള് കണ്ടു കഴിഞ്ഞ ഈ വീഡിയോ വോയ്സ് ഓഫ് റാം എന്ന ഫേസ്ബുക്ക് പേജിലാണ് വന്നിരിക്കുന്നത്. ഈ ചെറുപ്പക്കാരന് അഭിനന്ദനങ്ങള് നേര്ന്ന് അനേകം പേരാണ് കമന്റ് ചെയ്തിരിക്കുന്നത്. യുദ്ധമല്ല, സ്നേഹവും സമാധാനവുമാണ് തങ്ങള് ആഗ്രഹിക്കുന്നതെന്ന് പറഞ്ഞ് നിരവധി പാക്കിസ്ഥാന്കാരും കമന്റ് ചെയ്തിട്ടുണ്ട്. നിരവധി പേര് വീഡിയോ ഷെയര് ചെയ്തിട്ടുണ്ട്.