ഡല്ഹി: എ.ഐ.എം.ഐ.എം. നേതാവ് അസാദുദ്ദീന് ഒവൈസി ഇസഡ് കാറ്റഗറി സുരക്ഷ അദ്ദേഹം നിരസിച്ചതായി എന്ഡിടിവി റിപ്പോര്ട്ട് ചെയ്തു. തനിക്കെതിരെ വെടിയുതിര്ത്തവര്ക്കെതിരെ ഭീകരവാദ വിരുദ്ധ നിയമപ്രകാരം കേസെടുക്കണമെന്നും ഒവൈസി ആവശ്യപ്പെട്ടു. കഴിഞ്ഞ ദിവസം ഉത്തര്പ്രദേശില് വെച്ച് ഒവൈസിക്ക് നേരെ വെടിവയ്പ്പുണ്ടായതിന് പിന്നാലെയാണ് അദ്ദേഹത്തിന്റെ സുരക്ഷ വര്ധിപ്പിക്കാന് തീരുമാനിച്ചത്. കേന്ദ്ര അഭ്യന്തരമന്ത്രാലയമാണ് വ്യക്തികള്ക്ക് സുരക്ഷ ഏര്പ്പൊടുക്കുന്നത്. ഇന്റലിജന്സ് റിപ്പോര്ട്ടുകള് കൂടി പരിഗണിച്ചാണ് സാധാരണ ഗതിയില് വ്യക്തികള്ക്ക് സുരക്ഷ ഏര്പ്പാടാക്കാറുള്ളത്.
ഉത്തര്പ്രദേശില് തെരഞ്ഞെടുപ്പ് പ്രചാരണം കഴിഞ്ഞ് മടങ്ങുന്നതിനിടെയാണ് അസദുദ്ദീന് ഒവൈസിയുടെ കാറിന് നേരം ആക്രമണമുണ്ടായത്. മീററ്റിന് സമീപം ഹാപ്പൂരിലായിരുന്നു സംഭവം. ഒരാളെ കസ്റ്റഡിയിലെടുത്തെന്നും കേസില് അന്വേഷണം പുരോഗമിക്കുകയാണെന്നും യുപി പൊലീസ് അറിയിച്ചിരുന്നു.