ന്യൂഡല്ഹി: കശ്മീരിന്റെ പ്രത്യേക പദവി എടുത്തു കളഞ്ഞ കേന്ദ്ര സര്ക്കാര് നീക്കത്തിന് പിന്തുണയുമായി കശ്മീരിലെ ഒരു പെണ്കുട്ടി. മോദി സര്ക്കാരിന്റെ ഈ തീരുമാനം കൊണ്ട് കശ്മീരിലെ പ്രശ്നങ്ങള്ക്ക് പരിഹാരം ആകുമെന്നാണ് പെണ്കുട്ടി വീഡിയോയില് പറയുന്നത്. ബിജെപി ജനറല് സെക്രട്ടറി രാം മാധവാണ് പെണ്കുട്ടിയുടെ വീഡിയോ തന്റെ ട്വിറ്ററിലൂടെ പങ്കുവെച്ചത്. വീഡിയോ വളരെ പെട്ടെന്ന് വൈറലാകുകയും ചെയ്തു.
— Ram Madhav (@rammadhavbjp) August 8, 2019
തലയില് ഷോള് ഇട്ട് ‘അസ് ലാമു അലൈക്കും’ എന്ന് പറഞ്ഞുകൊണ്ടാണ് യുവതി വീഡിയോയില് പ്രത്യക്ഷപ്പെടുന്നത്. മോദി സര്ക്കാറിന്റെ ഈ തീരുമാനം കൊണ്ട് കശ്മീരിലെ പ്രശ്നങ്ങള്ക്ക് പരിഹാരം ആകുമെന്നും പെണ്കുട്ടി വീഡിയോയില് പറയുന്നു. അതുപോലെ തന്നെ നല്ല വിദ്യാഭ്യാസ കേന്ദ്രങ്ങളും ജോലി സാധ്യതകളും ഇതിലൂടെ കശ്മീരില് ഉണ്ടാകുമെന്നും പെണ്കുട്ടി പറയുന്നു.
എന്നാല് ഈ പെണ്കുട്ടി കശ്മീരി മുസ്ലീം യുവതി അല്ലെന്നും വ്യാജയാണെന്നുമാണ് നിരവധി പേര് ട്വിറ്ററിലൂടെ പ്രതികരിച്ചത്. എന്നാല് പെണ്കുട്ടി കശ്മീരിലെ സോനാമര്ഗ് സ്വദേശിയാണെന്നാണ് ദേശീയമാധ്യമം റിപ്പോര്ട്ട് ചെയ്തത്.