ന്യൂഡല്ഹി: മഹാരാഷ്ട്ര നിയമസഭ നല്കിയ അവകാശലംഘന നോട്ടീസിനെതിരെ റിപ്പബ്ലിക് ടിവി എഡിറ്റര് ഇന് ചീഫ് അര്ണബ് ഗോസ്വാമി സമര്പ്പിച്ച ഹര്ജി സുപ്രീംകോടതി രണ്ടാഴ്ചയ്ക്ക് ശേഷം പരിഗണിക്കും. സ്പീക്കറുടെ നിര്ദേശപ്രകാരമാണ് അര്ണാബിന് നോട്ടീസ് അയച്ചതെന്ന് മഹാരാഷ്ട്ര നിയമസഭാ അസിസ്റ്റന്റ് സെക്രട്ടറി കോടതിയെ അറിയിച്ചു.
സ്പീക്കര്ക്ക് കോടതിയലക്ഷ്യ നോട്ടീസ് അയക്കണമെന്ന് അര്ണബിന്റെ അഭിഭാഷകന് ഹരീഷ് സാല്വെ ആവശ്യപ്പെട്ടു. ഇക്കാര്യത്തില് രണ്ടാഴ്ചയ്ക്ക് ശേഷം തീരുമാനമെടുക്കാമെന്ന് ചീഫ് ജസ്റ്റിസ് എസ് എ ബോബ്ഡെ വ്യക്തമാക്കി.