ജമ്മു: ജമ്മു കാശ്മീരിലെ ഡോഡ ജില്ലയില്‍ തീവ്രവാദികളുടെ ഒളിസങ്കേതത്തില്‍ നിന്ന് സുരക്ഷാസേന വന്‍ ആയുധശേഖരം കണ്ടെടുത്തു. എകെ-56 തോക്ക്, ചൈനീസ് കൈത്തോക്ക്, 303 റൈഫിള്‍, യുബിജിഎല്‍, രണ്ട് ഗ്രനേഡ്, തോക്കിന്റെയും കൈത്തോക്കിന്റെയും തിരകള്‍, റേഡിയോ സെറ്റ്, സ്‌ഫോടകവസ്തു എന്നിവയാണ് കണ്ടെടുത്തത്.
കിന്റര്‍ വനമേഖലയില്‍ രാഷ്ട്രീയ റൈഫിള്‍സും ജമ്മു കാശ്മീര്‍ പോലീസും സംയുക്തമായി നടത്തിയ തെരച്ചിലില്‍ ഒരു ഗുഹയ്ക്കുള്ളില്‍ നിന്നാണ് ആയുധശേഖരം കണ്ടെത്തിയത്.
