കൊച്ചി: രാമനാട്ടുകര സ്വര്ണക്കടത്ത് കേസില് കസ്റ്റംസ് അറസ്റ്റ് ചെയ്ത അര്ജുന് ആയങ്കിയെ ഇന്ന് കോടതിയില് ഹാജരാക്കും. ഫോണ് രേഖ അടക്കമുള്ള തെളിവുകള് ശേഖരിച്ച ശേഷമാണ് കസ്റ്റംസ് അര്ജുനെ അറസ്റ്റ് ചെയ്തത്. കേസില് കൂടുതല് ചോദ്യം ചെയ്യലിന് പ്രതിയെ 10 ദിവസം കസ്റ്റഡിയില് വിട്ട് കിട്ടാന് അന്വേഷണ സംഘം അപേക്ഷ നല്കും.
രാവിലെ കൊച്ചിയിലെ സാമ്പത്തിക കുറ്റകൃത്യങ്ങള് പരിഗണിക്കുന്ന കോടതിയില് ആണ് ഹാജരാക്കുക. കസ്റ്റംസ് കസ്റ്റഡിയിലുള്ള മുഹമ്മദ് ഷഫീഖിനെ ഇന്ന് കൊച്ചില് എത്തിച്ച് അര്ജുനൊപ്പം ചോദ്യം ചെയ്യും. വിമാനത്താവളത്തില് പിടികൂടിയ സ്വര്ണം അര്ജുന് ആയങ്കിയ്ക്ക് കൈമാറാന് എത്തിച്ചതാണെന്ന് പിടിയിലായ മുഹമ്മദ് ഷഫീക് മൊഴി നല്കിയിരുന്നു.
ഇന്നലെ മണിക്കൂറുകള് നീണ്ട ചോദ്യം ചെയ്യലിനൊടുവിലാണ് അര്ജുന്റെ അറസ്റ്റ് കസ്റ്റംസ് രേഖപ്പെടുത്തിയത്. ഒമ്പത് മണിക്കൂറോളം നീണ്ടുനിന്ന ചോദ്യം ചെയ്യലിനൊടുവിലാണ് കസ്റ്റംസ് അര്ജുന് ആയങ്കിയുടെ അറസ്റ്റ് രേഖപ്പെടുത്തിയത്. സ്വര്ണക്കടത്ത് കേസില് പ്രതിയായ മുഹമ്മദ് ഷെഫീഖിന്റെ മൊഴിയുടെ അടിസ്ഥാനത്തിലാണ് കസ്റ്റംസ് അര്ജുന് ആയങ്കിയോടും ചോദ്യം ചെയ്യലിന് ഹാജരാകാന് അറിയിച്ചത്.