മോഹൻലാൽ ആരാധകർ ഏറെ കാത്തിരിക്കുന്ന ചിത്രമാണ് ആറാട്ട്. സിനിമയുടെ ഓരോ അപ്ഡേറ്റും ഫാൻസ് വലിയ ആവേശത്തോടെ ഏറ്റെടുക്കാറുമുണ്ട്. ഇപ്പോഴിതാ സിനിമയുടെ ഫൈനൽ മിക്സ് പുരോഗമിക്കുന്നു എന്ന വാർത്തയാണ് പുറത്തുവന്നിരിക്കുന്നത്.സിനിമയുടെ സംഗീത സംവിധായകൻ രാഹുൽ രാജ് തന്നെയാണ് ഫൈനൽ മിക്സ് പുരോഗമിക്കുന്നതായി അറിയിച്ചത്. സംവിധായകൻ ബി ഉണ്ണികൃഷ്ണനും തിരക്കഥാകൃത്ത് ഉദയകൃഷ്ണയ്ക്കുമൊപ്പമുള്ള ചിത്രവും അദ്ദേഹം പങ്കുവെച്ചിട്ടുണ്ട്.
ആറാട്ട് ഫെബ്രുവരി 10നാണ് റിലീസ് ചെയ്യുന്നത്. നെയ്യാറ്റിന്കര ഗോപന് എന്ന കഥാപാത്രത്തെയാണ് ചിത്രത്തില് മോഹന്ലാല് അവതരിപ്പിക്കുന്നത്.കോമഡിക്ക് പ്രാധാന്യം നല്കുന്ന ഒരു ആക്ഷന് ഡ്രാമയാണ് ആറാട്ട്. ഒരു തികഞ്ഞ മാസ് മസാല പടമായിരിക്കും ‘ആറാട്ടെന്ന്’ ബി ഉണ്ണികൃഷ്ണന് നേരത്തെ പറഞ്ഞിരുന്നു. നെയ്യാറ്റിന്കര ഗോപന് ചില കാരണങ്ങളാല് പാലക്കാട്ടെ ഒരു ഗ്രാമത്തില് എത്തുകയാണ്. തുടര്ന്നുണ്ടാകുന്ന സംഭവങ്ങളിലൂടെയാണ് കഥ മുന്നോട്ട് കൊണ്ടുപോകുന്നത്.
വിജയ് ഉലകനാഥാണ് ചിത്രത്തിന്റെ ഛായാഗ്രഹണം നിര്വ്വഹിക്കുന്നത്. എഡിറ്റര് സമീര് മുഹമ്മദാണ്. രാഹുല് രാജ് സംഗീതം നല്കും. ജോസഫ് നെല്ലിക്കല് കലാ സംവിധാനം നിര്വ്വഹിക്കുന്ന ചിത്രത്തിന്റെ വസ്ത്രാലങ്കാരം സ്റ്റെഫി സേവ്യറാണ്. ശ്രദ്ധ ശ്രീനാഥാണ് ‘ആറാട്ടില്’ മോഹന്ലാലിന്റെ നായിക. നെടുമുടി വേണു, സായ്കുമാര്, സിദ്ദിഖ്, ജോണി ആന്റണി, ഇന്ദ്രന്സ്, രാഘവന്, നന്ദു, ബിജു പപ്പന്, ഷീല, സ്വാസിക, മാളവിക, രചന നാരായണന് കുട്ടി, എന്നിവരാണ് ചിത്രത്തിലെ മറ്റു കഥാപാത്രങ്ങള്. പലക്കാടിന് പുറമെ ഹൈദ്രബാദാണ് ചിത്രത്തിന്റെ മറ്റൊരു പ്രധാന ലൊക്കേഷന്.