ടെക്നോളജി ഭീമനായ ആപ്പിള് ആമസോണ് ഇന്ത്യയുമായി ചേര്ന്ന് വെബ്സൈറ്റില് ‘ആപ്പിള് ഡെയ്സ്’ വില്പ്പനയ്ക്ക് ഒരുങ്ങുന്നു. ജൂലൈ 19 അര്ദ്ധരാത്രി മുതല് ആപ്പിള് ഡെയ്സ് വില്പ്പന ആരംഭിക്കും. ഒരാഴ്ചയോളം നീണ്ടുനില്ക്കുന്ന ഈ വില്പന ജൂലൈ 25 ന് സമാപിക്കും.
ഐഫോണ് 11 ന് 5,400 രൂപ ഫ്ളാറ്റ് ഡിസ്കൗണ്ട് വാഗ്ദാനം ചെയ്യുമെന്ന് ആമസോണ് അറിയിച്ചു. ഇതിന്റെ വില 62,999 രൂപയിലേക്ക് വരുന്നു. താല്പ്പര്യമുള്ള വാങ്ങുന്നവര്ക്ക് ഐഫോണ് 11 പ്രോ, 11 പ്രോ മാക്സ് എന്നിവയില് 4,000 രൂപ കിഴിവ് ഉപയോഗിക്കാം. എച്ച്ഡിഎഫ്സി ബാങ്ക് ഡെബിറ്റ് അല്ലെങ്കില് ക്രെഡിറ്റ് കാര്ഡുകള് ഉപയോഗിച്ച് വാങ്ങുന്നവക്കാണ് ഈ ഓഫര് ലഭിക്കുന്നത്. വില്പ്പനയുടെ ഭാഗമായി ഒരാള്ക്ക് വെറും 41,500 രൂപയ്ക്ക് ഐഫോണ് 8 പ്ലസ് ലഭിക്കുന്നു.
ഒരു ഐപാഡ് വാങ്ങുമ്പോള് ഒരാള്ക്ക് 5,000 രൂപ വരെ ഈ വില്പ്പന വഴി ലാഭിക്കാം. ആപ്പിള് വാച്ച് സീരീസ് 3 വാങ്ങുന്നതിനൊപ്പം ആമസോണ് ഇന്ത്യ 1,000 രൂപ വരെ കിഴിവ് വാഗ്ദാനം ചെയ്യുന്നു. ആപ്പിള് മാക്ബുക്ക് പ്രോ വാങ്ങുന്നവര്ക്ക് 7,000 രൂപ തല്ക്ഷണ കിഴിവ് ലഭിക്കും. എച്ച്ഡിഎഫ്സി ബാങ്ക് കാര്ഡുകള് ഉപയോഗിച്ച് വാങ്ങിയാല് മാത്രമേ ഈ ഓഫറുകള് നിങ്ങള്ക്ക് ലഭിക്കുകയുള്ളു.