വിരുഷ്‌ക താരജോടികളെക്കുറിച്ചുള്ള വര്‍ത്തകളെല്ലാം ആരാധകര്‍ക്ക് എപ്പോഴും കൗതുകം നിറയ്ക്കുന്നതാണ്. സിനിമയില്‍ നിന്ന് ഇടവേളയെടുക്കുന്നുണ്ടെങ്കിലും സാമൂഹ്യ മാധ്യമങ്ങളില്‍ സജീവമാണ് അനുഷ്ക ശര്‍മ്മ. ഭര്‍ത്താവും ടീം ഇന്ത്യയുടെ നായകനുമായ വിരാട് കൊഹ് ലിക്ക് ഒപ്പമുള്ള ഫോട്ടോകളും സ്വന്തം ഫോട്ടോകളും നിരന്തരം അനുഷ്ക ശര്‍മ്മ പങ്കുവയ്ക്കാറുണ്ട്. ചിത്രങ്ങളെല്ലാം സമൂഹമാധ്യമങ്ങളില്‍ വൈറലാകാറുമുണ്ട്. ഇപ്പോള്‍ ആരാധകര്‍ ആഘോഷമാക്കുന്നത് അനുഷ്ക ശര്‍മ്മയുടെ കുട്ടിക്കാലത്തെ ഫോട്ടോകളാണ്.
താരം ഷെയര്‍ ചെയ്ത തന്റെ കുട്ടിക്കാല ഫോട്ടോയ്ക്ക്‌ ഏറ്റവും ആദ്യം സ്‌നേഹം അറിയിച്ചിരിക്കുന്നതും വിരാട് തന്നെയാണ്. മറ്റ് സിനിമാ താരങ്ങളും കമന്റുകളുമായി രംഗത്ത് എത്തിയിട്ടുണ്ട്. ലിറ്റില്‍ മി എന്ന കുറിപ്പോടെ മറ്റൊരു കുട്ടിക്കാല ഫോട്ടോയും അനുഷ്ക ശര്‍മ്മ ഷെയര്‍ ചെയ്തിട്ടുണ്ട്.
