ആന്‍റ്‌വെർപ്പ്: ബെൽജിയം ആന്‍റ്‌വെർപ്പിൽ ശക്തമായ പൊട്ടിത്തെറി. അപകടത്തിൽ പാർപ്പിട സമുച്ചയം തകർന്ന് നിരവധിപ്പേർക്ക് പരുക്കേറ്റു. ആളപായമൊന്നും റിപ്പോർട്ട് ചെയ്തിട്ടില്ല. എന്നാൽ പൊട്ടിത്തെറിയുടെ കാരണം വ്യക്തമായിട്ടില്ല.
പൊട്ടിത്തെറിയ്ക്ക് ഭീകര ബന്ധമുണ്ടെന്ന് കരുതുന്നില്ലെന്ന് പൊലീസ് വ്യക്തമാക്കി. ആന്‍റ്‌വെർപ്പിലെ പാർഡെൻമാർക്ക് സ്ട്രീറ്റിലെ കെട്ടിടമാണ് തകർന്നത്. പൊട്ടിത്തെറിയിൽ അടുത്തുള്ള മൂന്നു കെട്ടിടങ്ങൾക്കും കേടുപാട് സംഭവിച്ചു.
