ഡൽഹി: രാജ്യത്തെ കോവിഡ് പ്രതിദിന കണക്കില്‍ വീണ്ടും വര്‍ധന. 8582 പേർക്കാണ് 24 മണിക്കൂറിനിടെ രോഗം സ്ഥിരീകരിച്ചത്. നാല് മരണവും സ്ഥിരീകരിച്ചു. പോസിറ്റിവിറ്റി നിരക്കിലും വർധനവുണ്ട്. ടിപിആര്‍ 2.71 ശതമാനമായി ഉയർന്നു.അതിനിടെ കോവിഡ് വ്യാപനത്തിൽ ജാഗ്രത തുടരണമെന്ന് ഓർമ്മിപ്പിച്ച് കേന്ദ്രം രംഗത്തെത്തിയിരുന്നു. തുടർച്ചയായ രണ്ടാം ദിവസവും പ്രതിദിന കണക്കിൽ 40 ശതമാനം വ‌ർധനയുണ്ടായതിന് പിന്നാലെയാണ് കേന്ദ്രം സംസ്‌ഥാനങ്ങൾക്ക് ജാഗ്രത നിർദേശം നൽകിയത്. പരിശോധനയും വാക്സിനേഷനും കൂട്ടാനാണ് കേന്ദ്രത്തിന്‍റെ നിർദേശം. മാസ്‌ക്, സാമൂഹിക അകലം എന്നിവ ഉൾപ്പെടെയുള്ള പ്രതിരോധ മാർഗങ്ങളിൽ വീഴ്ച വരുത്തരുതെന്നും കേന്ദ്രം നിർ‍ദേശിച്ചിട്ടുണ്ട്.
രാജ്യത്തെ പ്രതിദിന കോവിഡ് കണക്കില്‍ വീണ്ടും വര്‍ധനവ്; 8582 പേർക്ക് കൂടി രോഗം സ്ഥിരീകരിച്ചു
