വാഷിങ്ടണ്; എച്ച് 1 ബി വിസയില് ഇളവുകള് പ്രഖ്യാപിച്ച് അമേരിക്ക. വിസയുള്ളവര്ക്ക് തിരികെ വന്ന് നേരത്തേയുള്ള ജോലികളില് തുടരാമെന്നാണ് പുതിയ ഉത്തരവ്. കൊവിഡ് പ്രതിസന്ധിയ്ക്കിടെ പുതിയ തൊഴിലാളികളെ നിയമിക്കുന്നത് തൊഴില് ദാതാക്കള്ക്ക് കടുത്ത സാമ്പത്തിക ഞെരുക്കത്തിന് ഇടയാക്കുമെന്ന സാഹചര്യത്തിലാണ് തീരുമാനം.
എല് 1 വിസ അപേക്ഷകര്ക്കും സമാനമായ മാര്ഗ്ഗനിര്ദ്ദേശങ്ങള് ബാധകമാണ്. വിസ നിയന്ത്രണങ്ങള് വരുന്നതിന് മുന്പ് ജോലി ചെയ്തിരുന്ന അതേ സ്ഥാപനത്തില് അതേ തൊഴില് ദാതാവിന് കീഴില് മുന്പ് ചെയ്തിരുന്ന തസ്തികയില് തന്നെ തിരികെയെത്താനാണ് ഇതോടെ സാധിക്കുക.
ആരോഗ്യ പരിരക്ഷ, ഐടി മേഖലയില് സീനിയര് ഉദ്യോഗസ്ഥര്ക്കാണ് മടങ്ങിയെത്താന് സാധിക്കുക. ഇവര്ക്ക് 15 ശതമാനം അധിക വേതനം നല്കുന്നതിനെ കുറിച്ചും പരിഗണിക്കും. കൂടാതെ കൊവിഡ് വ്യാപനം നിയന്ത്രിക്കുന്നതിനും പൊതുജനാരോഗ്യ മേഖലയല് പ്രവര്ത്തിക്കുന്നതോ ഗവേഷണം നടത്തുകയോ ചെയ്യുന്നവര്ക്കും ഇളവുകള് അനുവദിക്കും.
അഞ്ച് മാര്ഗ നിര്ദ്ദേശങ്ങളാണ് വിദേശകാര്യവകുപ്പ് പുറത്തിറക്കിയിരിക്കുന്നത്. വിസയ്ക്കായി പരിഗണിക്കുന്നതിന് അപേക്ഷകര് ഈ അഞ്ചില് രണ്ടെണ്ണമെങ്കിലും പാലിക്കണം. തിരികെ എത്തുന്നവര്ക്ക് തങ്ങളുടെ ജീവിത പങ്കാളികളേയും കുട്ടികളേയും തിരികെ കൊണ്ടുവരാമെന്നും യുഎസ് ഡിപ്പാര്ട്ട്മെന്റ് ഓഫ് സ്റ്റേറ്റ് അഡൈ്വസറി വ്യക്തമാക്കി.