ന്യൂഡൽഹി: വാഹന വില്പനയിൽ നീണ്ട കാലം ഒന്നാം സ്ഥാനം സ്വന്തമാക്കി വെച്ചിരുന്ന ആൾട്ടോ 800നെ രണ്ടാം സ്ഥാനത്തേക്ക് പിന്തള്ളി മാരുതിയുടെ തന്നെ സ്വിഫ്റ്റ് ഒന്നാം സ്ഥാനത്ത്.
ഏപ്രിൽ മാസം ആഭ്യന്തര വിപണിയിലെ വില്പനയിലാണ് സ്വിഫ്റ്റ് നേട്ടം കൊയ്തത്. മികച്ച വില്പന നേട്ടമുണ്ടാക്കിയ ആദ്യ പത്ത് മോഡലിൽ ഏഴ് എണ്ണവും മാരുതിയുടെ വാഹനങ്ങളാണെന്നാണ് സിയാം പുറത്തു വിട്ട റിപ്പോർട്ടിൽ പറയുന്നു.
ബാക്കി മൂന്നു എണ്ണം ഹ്യൂഡായ് കമ്പനിയുടെ വാഹനങ്ങളാണെന്നും റിപ്പോർട്ട് വ്യക്തമാക്കുന്നു.
ഏപ്രിൽ മാസം 23,802 സ്വിഫ്റ്റ് കാറുകളാണ് നിരത്തിലെത്തിയത്. കഴിഞ്ഞ ഏപ്രിലിൽ ഇത് 15,661 എണ്ണമായിരുന്നു. കഴിഞ്ഞ വർഷത്തെ ബെസ്റ്റ് സെല്ലിംഗ് മോഡലായ ആൾട്ടോ 800 22,549 കാറുകൾ നിരത്തിലെത്തിച്ച് രണ്ടാം സ്ഥാനത്തേക്ക് നീങ്ങി.
