ഗോള്‍ഡിന് നെഗറ്റീവ് റിവ്യു നൽകിയവർക്കെതിരെ പ്രതികരിച്ച് അല്‍ഫോണ്‍സ് പുത്രൻ

ല്‍ഫോണ്‍സ് പുത്രന്റെ സംവിധാനത്തില്‍ കഴിഞ്ഞ വാരം തിയറ്ററുകളിലത്തിയ ചിത്രമാണ് ‘ഗോള്‍ഡ്’. പൃഥ്വിരാജ് സുകുമാരനും നയന്താരയുമാണ് ചിത്രത്തിൽ പ്രധാന വേഷങ്ങളിൽ എത്തിയത്. ഏഴ് വര്‍ഷങ്ങള്‍ക്ക് ശേഷം അല്‍ഫോണ്‍സ് ചിത്രം വരുന്നൂവെന്നതിനാല്‍ റിലീസിന് മുന്നേ ഗോള്‍ഡില്‍ വലിയ പ്രതീക്ഷകളായിരുന്നു. എന്നാല്‍ ‘ഗോള്‍ഡി’ന് തിയറ്ററില്‍ പ്രതീക്ഷിച്ചതുപോലുള്ള പ്രതികരണങ്ങള്‍ ലഭിച്ചില്ല. ‘ഗോള്‍ഡി’നെ കുറിച്ചുള്ള അഭിപ്രായങ്ങളില്‍ പ്രതികരണങ്ങളില്‍ പ്രതികരണവുമായി എത്തിയിരിക്കുകയാണ് അല്‍ഫോണ്‍സ് പുത്രൻ.

അല്‍ഫോണ്‍സ് പുത്രന്റെ ഫേസ്ബുക്ക് കുറിപ്പ്

‘ഗോൾഡി’നെ കുറിച്ചുള്ള നെഗറ്റീവ് റിവ്യൂസ് എല്ലാരും കാണണം. കൊറേ കുശുമ്പും, പുച്ഛവും, തേപ്പും എല്ലാം എന്നെ കുറിച്ചും എന്റെ സിനിമയെ കുറിച്ച് കേൾക്കാം. അത് കേൾക്കുമ്പോൾ കിട്ടുന്ന ഒരു സുഖം ഉണ്ടല്ലോ. എന്റെ പ്രത്യേക നന്ദി നെഗറ്റീവ് റിവ്യൂസ് എഴുതുന്നവർക്ക്. ചായ കൊള്ളൂല്ല എന്ന് പെട്ടെന്ന് പറയാം. കടുപ്പം കൂടിയോ കുറഞ്ഞോ ? വെള്ളം കൂടിയോ കുറഞ്ഞോ ? പാല് കൂടിയോ കുറഞ്ഞോ ? പാല് കേടായോ , കരിഞ്ഞോ? മധുരം കൂടി, മധുരം കുറഞ്ഞു എന്ന് പറഞ്ഞാൽ ചായ ഇണ്ടാക്കുന്ന ആൾക്ക് അടുത്ത ചായ ഇണ്ടാക്കുമ്പോൾ ഉപകരിക്കും. അയ്യേ ഊള ചായ, വൃത്തിക്കെട്ട ചായ, വായേല് വെക്കാൻ കൊള്ളാത്ത ചായ എന്ന് പറഞ്ഞാ നിങ്ങളുടെ ഈഗോ വിജയിക്കും. ഇതുകൊണ്ടു രണ്ടു പേർക്കും ഉപയോഗം ഇല്ല. ‘നേരം 2’ , ‘പ്രേമം 2’ എന്നല്ല ഞാൻ ഈ സിനിമയ്ക്കു പേരിട്ടത്. ‘ഗോൾഡ്’ എന്നാണ്. ഞാനും , ഈ സിനിമയിൽ പ്രവർത്തിച്ച ആരും നിങ്ങളെ വെറുപ്പിക്കാനോ, ഉപദ്രവിക്കാനോ, നിങ്ങളുടെ വിലപ്പെട്ട സമയം കളയണോ ചെയ്‍തതല്ല ഈ സിനിമ. ഇനിയും എന്നെയും എന്റെ ടീമിനെയും സംശയിക്കരുത്. ‘ഗോൾഡ്’ അങ്ങനെ എടുക്കാമായിരുന്നു…ഇങ്ങനെ എടുക്കാമായിരുന്നു എന്ന് പറയരുത് . കാരണം ഞാനും ‘ഗോൾഡ്’ എന്ന സിനിമ ആദ്യമായിട്ടാണ് എടുക്കുന്നത്. നേരത്തെ ‘ഗോൾഡ്’ ചെയ്‍തു ശീലം ഉണ്ടെങ്കിൽ നിങ്ങൾ പറയുന്നത് ശരിയാണ്. എന്ന് നിങ്ങളുടെ സ്വന്തം അൽഫോൻസ് പുത്രൻ.

Top