ഹോളിഫെയ്ത്തിന് പിന്നാലെ ഇരട്ട കെട്ടിടങ്ങളും പൊടിയായി. 11.43 ഓടെയാണ് ആല്ഫ സെറീന് നിലംപൊത്തിയത്. 16 വീതം നിലകളുള്ള ഇരട്ട ടവറാണ് ഹോളിഫെയ്ത്തിന് പിന്നാലെ നിലം പതിച്ചത്. 11.40 ഓടെ ആല്ഫ സെറീനിലെ ആദ്യ അലാറം മുഴങ്ങി. 343 കിലോ സ്ഫോടക വസ്തുക്കളാണ് ഇവിടെ ഉപയോഗിച്ചത്.
ഇനവാസ കേന്ദ്രത്തോട് ചേര്ന്നായിരുന്നു ആല്ഫാ സെറിന് കെട്ടിടങ്ങള് സ്ഥിതി ചെയ്തിരുന്നത്. അതിനാല് തന്നെ അധികൃതരടക്കം ആശങ്കയിലായിരുന്നു.
11.19നായിരുന്നു ഹോളിഫെയ്ത്ത് നിലംപൊത്തിയത്. രാവിലെ 10.32നാണ് നിയന്ത്രിത സ്ഫോടനത്തിലൂടെ ഹോളിഫെയ്ത്ത് എച്ച്ടുഒ തകര്ക്കുന്നതിനുള്ള ആദ്യ സൈറണ് മുഴങ്ങിയത്. 10.32 ന് മുഴങ്ങേണ്ട രണ്ടാം സൈറണ് 11.11 നാണ് മുഴങ്ങിയത്.
നാവിക സേനയുടെ ആകാശനിരീക്ഷണത്തിന് ശേഷമാണ് സൈറണ് മുഴങ്ങിയത്. രണ്ടാം സൈറണ് മുഴങ്ങി 6 മിനിറ്റുകള്ക്ക് ശേഷം മൂന്നാം സൈറണ് മുഴങ്ങി ഒരു മിനിറ്റിന് ശേഷമാണ് സ്ഫോടനം നടന്നത്. കുണ്ടനൂര് പാലത്തിന് ഉയരത്തിലാണ് കെട്ടിടാവശിഷ്ടങ്ങള് അടിഞ്ഞത്.
സമീപത്തുള്ള കെട്ടിടങ്ങള്ക്കും മറ്റും കേടുപാടുകള് ഉണ്ടായിട്ടോ എന്ന് അല്പസമയത്തിനകം പരിശോധിക്കും.സ്ട്രക്ച്ചറല് എഞ്ചിനിയേഴ്സിന്റെ സംഘമാണ് പരിശോധന നടത്തുക.