പി.വി സിന്ധുവിന്റെ ജീവിതം സിനിമയാകുന്നു; കോച്ച് അക്ഷയ് കുമാറോ?

ലോക ബാഡ്മിന്റണ്‍ ചാമ്പ്യന്‍ഷിപ്പില്‍ സ്വര്‍ണ്ണം കരസ്ഥമാക്കി ഇന്ത്യയുടെ അഭിമാനമായി മാറിയ പി.വി സിന്ധുവിന്റെ ജീവിതം സിനിമയാകുന്നതായി റിപ്പോര്‍ട്ടുകള്‍. ബോളിവുഡ് താരം അക്ഷയ് കുമാറാകും ചിത്രത്തില്‍ സിന്ധുവിന്റെ കോച്ചായ പുല്ലേല ഗോപിചന്ദിന്റെ വേഷത്തിലെത്തുക എന്നും റിപ്പോര്‍ട്ടുകളുണ്ട്.

അതേസമയം അക്ഷയ് കുമാര്‍ ചിത്രത്തില്‍ അഭിനയിക്കുന്നതിനെ കോച്ച് പുല്ലേല ഗോപിചന്ദ് സ്വാഗതം ചെയ്തു. ‘ഞാന്‍ അക്ഷയ് കുമാറിനെ ഇഷ്ടപ്പെടുന്നു, അദ്ദേഹമാണ് തന്റെ വേഷം ചെയ്യുന്നതെങ്കില്‍ അത് ഗംഭീരമാകും. ഒരുപാട് ആദരിക്കുന്ന വ്യക്തിയാണ് അക്ഷയ് കുമാര്‍ പക്ഷെ ഈ വാര്‍ത്തയെക്കുറിച്ച് തനിക്കറിയില്ലെന്നും പുല്ലേല ഗോപിചന്ദ് പറഞ്ഞു.

അക്ഷയ് കുമാര്‍ നിരവധി തവണ സിന്ധുവിനെ കണ്ടിട്ടുണ്ടെന്നും പ്രോല്‍സാഹിപ്പിച്ചിട്ടുണ്ടെന്നും ഗോപിചന്ദ് കൂട്ടിചേര്‍ത്തു. സിന്ധുവിന്റെ ജീവിതം പ്രമേയമായി മറ്റൊരു സിനിമ രണ്ട് വര്‍ഷമായി അണിയറയില്‍ ഒരുങ്ങുന്നുണ്ട്.

Top