ന്യൂഡല്ഹി: കോവിഡ് വാക്സിനെതിരെ പ്രസ്താവനയുമായി സമാജ് വാദി പാര്ട്ടി അധ്യക്ഷന് അഖിലേഷ് യാദവ്. താന് ഇപ്പോള് വാക്സിന് സ്വീകരിക്കുന്നില്ലെന്നും ബിജെപിയുടെ വാക്സിനെ വിശ്വസിക്കാനാവില്ലെന്നും അഖിലേഷ് യാദവ് പറഞ്ഞു.
‘ ഞാന് ഇപ്പോള് വാക്സിന് സ്വീകരിക്കുന്നില്ല. എങ്ങനെയാണ് ബിജെപിയുടെ വാക്സിനെ വിശ്വസിക്കാനാവുക. ഞങ്ങളുടെ സര്ക്കാര് രൂപവത്കരിക്കുമ്പോള് എല്ലാവര്ക്കും സൗജന്യമായി വാക്സിന് ല്യമാക്കും. ബിജെപിയുടെ വാക്സിന് സ്വീകരിക്കാന് ഞങ്ങള്ക്ക് സാധിക്കില്ല’, അദ്ദേഹം പറഞ്ഞു.
വാക്സിന്റെ സുരക്ഷ സംബന്ധിച്ച് ഒരു വിധത്തിലുള്ള കിംവദന്തികളും പരത്താന് പാടില്ലെന്നും എല്ലാ കാര്യങ്ങളും വിശദമായി പരിശോധിച്ചിട്ടുണ്ടെന്നും കേന്ദ്ര ആരോഗ്യ മന്ത്രി ഹര്ഷവര്ധന് ഇന്ന് പറഞ്ഞിരുന്നു. ആരോഗ്യപ്രവര്ത്തകര്ക്കും കോവിഡ് മുന്നണി പോരാളികള്ക്കുമായി മൂന്നു കോടി പേര്ക്ക് ആദ്യഘട്ടത്തില് വാക്സിന് സൗജന്യമായി വിതരണം ചെയ്യുമെന്നും മന്ത്രി പറഞ്ഞു. ശേഷിക്കുന്ന 27 കോടി പേര്ക്ക് എങ്ങനെ വിതരണം ചെയ്യുമെന്നത് വൈകാതെ തീരുമാനിക്കുമെന്നും മന്ത്രി വ്യക്തമാക്കി.