മുംബൈ: റിലയന്സ് ചെയര്മാന് മുകേഷ് അംബാനിയുടെയും നിത അംബാനിയുടെയും മൂത്ത മകന് ആകാശ് അംബാനി വിവാഹിതനാകുന്നു. പ്രമുഖ രത്നവ്യാപാര കമ്പനിയായ റോസി ബ്ലൂ ഇന്ത്യയുടെ ഡയറക്ടറായ റസല് മേത്തയുടെ മൂത്ത മകള് ശ്ലോക മേത്തയാണ് വധു. കമ്പനിയുടെ പ്രധാന ചുമതല വഹിക്കുന്നവരില് ഒരാള് കൂടിയാണ് ശ്ലോക.
ഡിസംബര് മാസത്തോടെ വിവാഹം നടത്താനാണ് തീരുമാനമെന്നും രണ്ട് ആഴ്ചയ്ക്കുള്ളില് വിവാഹ നിശ്ചയം നടക്കുമെന്നാണ് പിടിഐ വാര്ത്താ ഏജന്സി റിപ്പോര്ട്ട് ചെയ്യുന്നത്. എന്നാല് ഇത് സംബന്ധിച്ച് ഔദ്യോഗിക വിവരങ്ങള് പുറത്ത് വിട്ടിട്ടില്ല.