സ്വാതന്ത്ര്യം അര്ദ്ധരാത്രിയില് എന്ന ചിത്രത്തിനു ശേഷം ആന്റണി പെപ്പെയും ടിനു പാപ്പച്ചനും വീണ്ടുമൊന്നിക്കുന്ന ചിത്രമായ അജഗജാന്തരം മെയ് 28 ന് പ്രദര്ശനത്തിന് എത്തും. ചിത്രത്തില് അര്ജുന് അശോകനും പ്രധാന കഥാപാത്രമായി എത്തുന്നു. ചെമ്പന് വിനോദ് ജോസ്, ജാഫര് ഇടുക്കി, രാജേഷ് ശര്മ, സാബു മോന്, ടിറ്റോ വില്സണ്, സുധി കോപ്പ, വിനീത് വിശ്വം, സിനോജ് വര്ഗീസ്, കിച്ചു ടെല്ലസ്, ലുക്മാന്, ശ്രീരഞ്ജിനി തുടങ്ങിയവര് ചിത്രത്തില് മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
ഉത്സവപ്പറമ്പിലേയ്ക്ക് ഒരു ആനയും പാപ്പാനും എത്തുന്നതും തുടര്ന്നവിടെ 24 മണിക്കൂറിനുള്ളില് നടക്കുന്ന ആകാംഷ നിറഞ്ഞ സംഭവങ്ങള് നര്മ്മത്തിന്റെ മേമ്പൊടിയോടെ ചിത്രത്തില് അവതരിപ്പിക്കുന്നു. ആക്ഷന് രംഗങ്ങള്ക്ക് വളരെ പ്രാധാന്യം ഉള്ളത് കൊണ്ടുതന്നെ പെപ്പെയുടെ ആദ്യ ബിഗ് ബജറ്റ് ചിത്രമായി മാറി അജഗജാന്തരം. സില്വര് ബേ പ്രൊഡക്ഷന്സിന്റെ ബാനറില് എമ്മാനുവല് ജോസഫും അജിത് തലാപ്പിള്ളിയും ചേര്ന്ന് നിര്മ്മിക്കുന്ന ചിത്രത്തിന്റെ തിരക്കഥയൊരുക്കിയിരിക്കുന്നത് കിച്ചു ടെല്ലസും വിനീത് വിശ്വവുമാണ്.