ബോളിവുഡിന്റെ താരസുന്ദരി ഐശ്വര്യ റായി ഇന്സ്റ്റഗ്രാമിലൂടെ പങ്ക് വെച്ച ചിത്രങ്ങള് ഏറ്റെടുത്ത് ആരാധകര്. എല്കെജിയിലെയും, ഒന്നാം ക്ലാസിലെയും ക്ലാസ് ഫോട്ടോയാണ് താരം ഇന്സ്റ്റഗ്രാമിലൂടെ പങ്ക് വെച്ചത്. ഇതില് ബോളിവുഡിന്റെ ആഷ് എവിടെയാണെന്ന് തപ്പി നടക്കുകയാണ് ആരാധകര്.
ഒന്നാം ക്ലാസിലെ ചിത്രത്തിനൊപ്പം ആരാധ്യയുടെ പ്രായം എന്നാണ് താരം കുറിച്ചിരിക്കുന്നത്. അടുത്തിടെയാണ് ഐശ്വര്യ ഇന്സ്റ്റഗ്രാമില് അക്കൗണ്ട് തുടങ്ങിയത്.
ഇന്സ്റ്റഗ്രാമില് ആരാധ്യയുടെ ചുണ്ടില് ചുംബിക്കുന്ന ചിത്രം ഐശ്വര്യ നേരത്തെ പങ്ക് വെച്ചിരുന്നു. നിന്നെ ഞാന് അകമഴിഞ്ഞ് സ്നേഹിക്കുന്നു, ഈ ലോകത്തിലെ ഏറ്റവും സന്തുഷ്ടയായ അമ്മ എന്നായിരുന്നു ചിത്രത്തോടൊപ്പം ഐശ്വര്യ കുറിച്ചിരുന്നത്.