ടോക്കിയോ: എൻജിൻ തകരാർ കാരണം എയർ ഏഷ്യ വിമാനം അടിയന്തരമായി നിലത്തിറക്കി. ക്വാലാലംപൂരിലേക്ക് പോകുകയായിരുന്ന എയർ ഏഷ്യ വിമാനം ജപ്പാനിലെ നഹാ വിമാനത്താവളത്തിലാണ് ഇറക്കിയത്. വിമാനത്തിലെ 379 യാത്രക്കാരും ജീവനക്കാരും സുരക്ഷിതരാണെന്ന് ഗതാഗത മന്ത്രാലയം അറിയിച്ചു.
ടോക്കിയോയിലെ ഹനെഡ വിമാനത്താവളത്തിൽ നിന്ന് പുറപ്പെട്ട വിമാനത്തിനാണ് എൻജിൻ തകരാറുണ്ടായത്. വലത് ഭാഗത്തെ എൻജിന് തകരാർ ഉണ്ടായതോടെ വിമാനം നിലത്തിറക്കാൻ പൈലറ്റ് അനുമതി നേടുകയായിരുന്നു.