ലൂക്കയിലെ നിഹാരിക എന്ന കഥാപാത്രത്തിലൂടെ മലയാളികളുടെ മനസില്‍ സ്വീകാര്യത നേടിയ താരമാണ് അഹാന കൃഷ്ണ. അഭിനയത്തിലൂടെ മാത്രമല്ല എഴുത്തിലൂടെയും അഹാന ആരാധകരെ കൈയ്യിലെടുക്കാറുണ്ട്. ഇപ്പോഴിതാ കുഞ്ഞനിയത്തി ഹന്‍സികയെക്കുറിച്ച് അഹാന പങ്കുവച്ച കുറിപ്പും ചിത്രവുമാണ് ഇപ്പോള്‍ വൈറലാകുന്നത്.
ഇങ്ങനെയൊരു ഫോട്ടോയും കുറിപ്പും പങ്കുവച്ചതിന് ഹന്‍സിക തന്നെ കൊല്ലും എന്ന രസകരമായ മുഖവുരയോടെയാണ് അഹാനയുടെ പോസ്റ്റ്. തല ചരിച്ച് കിടന്നുറങ്ങുന്ന ഹന്‍സികയാണ് ചിത്രത്തില്‍! ചിത്രം പങ്കുവെച്ച് കൊണ്ട് അഹാന പറയുന്നതിങ്ങനെ… ‘കഴിഞ്ഞ ഏതാനും ദിവസങ്ങളായി ഹന്‍സികയ്ക്ക് പനിയും തലവേദനയുമുണ്ട്. അവള്‍ക്ക് ക്ഷീണവുമുണ്ട്. എന്നിങ്ങനെ എഴുതിക്കൊണ്ടാണ് അഹാനയുടെ പോസ്റ്റ് തുടങ്ങുന്നത്.
ലൂക്കയിലെ അഹാനയുടെ കഥാപാത്രം വലിയ ശ്രദ്ധയാകര്‍ഷിച്ചിരുന്നു. നിഹാരിക എന്ന കഥാപാത്രത്തിന്റെ കുട്ടിക്കാലം സഹോദരി ഹന്‍സികയായിരുന്നു അഭിനയിച്ചിരുന്നത്.
