ന്യൂഡല്ഹി : ബിജെപിയുടെ സാരാംശമാണ് എല് കെ അദ്വാനി അദ്ദേഹത്തിന്റെ ബ്ലോഗില് പറഞ്ഞതെന്ന് പ്രധാനമന്ത്രി നരേന്ദ്രമോദി. രാജ്യം ആദ്യം, പാര്ട്ടി പിന്നീട്, അവസാനം വ്യക്തി എന്നത് ബിജെപിയെ നയിക്കുന്ന മന്ത്രമാണെന്നും മോദി ട്വീറ്റ് ചെയ്തു.
ഒരു ബിജെപി പ്രവര്ത്തകന് ആയിരിക്കുന്നതില് തനിക്ക് അഭിമാനമുണ്ടെന്നും എല് കെ അദ്വാനിയെപ്പോലെയുള്ള മഹാന്മാരാണ് ബിജെപിയെ ശക്തമാക്കിയതെന്നും മോദി ട്വീറ്റില് വ്യക്തമാക്കുന്നു.
Advani Ji perfectly sums up the true essence of BJP, most notably the guiding Mantra of ‘Nation First, Party Next, Self Last.’
Proud to be a BJP Karyakarta and proud that greats like LK Advani Ji have strengthened it. https://t.co/xScWuuDuMq
— Chowkidar Narendra Modi (@narendramodi) April 4, 2019
ആദ്യം രാജ്യം, പിന്നെ പാര്ട്ടി, അവനവന് അവസാനം എന്ന തലക്കെട്ടിലാണ് അദ്വാനിയുടെ ബ്ലോഗ് കുറിപ്പ്. ബിജെപിയുടെ നയങ്ങളോട് വിയോജിക്കുന്നവര് ദേശവിരുദ്ധരല്ലെന്നും അദ്വാനി പറഞ്ഞു.
ഇന്ത്യന് ജനാധിപത്യത്തിന്റെ അന്തഃസത്ത എന്നു പറയുന്നത് തന്നെ വൈവിധ്യങ്ങളോടും അഭിപ്രായ സ്വാതന്ത്ര്യത്തോടുമുള്ള ബഹുമാനമാണ്. പാര്ട്ടിയുടെ ആരംഭ കാലം മുതലേ ബിജെപി തങ്ങളോടു വിയോജിപ്പുള്ളവരെ രാഷ്ട്രീയ ശത്രുക്കളായല്ല മറിച്ച് പ്രതിയോഗികളായാണ് കാണുന്നതെന്നു ബ്ലോഗില് ചൂണ്ടിക്കാട്ടുന്നു. പാര്ട്ടിയുടെ സ്ഥാപക നേതാവെന്ന നിലയില് അദ്വാനി നടത്തിയ പരാമര്ശങ്ങള് ബിജെപിയെ അക്ഷരാര്ഥത്തില് വെട്ടിലാക്കുന്നവയാണ്.