ഇടുക്കി: അദാനി വൈദ്യുതി കരാര്‍ ആരോപണത്തില്‍ പ്രതിപക്ഷ നേതാവ് രമേശ് ചെന്നിത്തലയ്ക്ക് മറുപടിയുമായി മന്ത്രി എം എം മണി. എല്ലാ വിവരങ്ങളും കെഎസ്ഇബി വെബ്‌സൈറ്റില്‍ ഉണണ്ടെന്നും ചെന്നിത്തലയുടെ മനോനില തെറ്റിയിരിക്കുകയാണെന്നും മന്ത്രി പരിഹസിച്ചു.
അദാനിയുമായി രണ്ട് കരാറുകളുണ്ടാക്കിയെന്ന് ഇന്ന് ആവര്‍ത്തിച്ച രമേശ് ചെന്നിത്തല കരാറിന്റെ ലെറ്റര്‍ ഓഫ് അവാര്‍ഡും ഇന്ന് രാവിലെ പുറത്ത് വിട്ടിരുന്നു. അദാനിക്ക് ലെറ്റര്‍ ഓഫ് അവാര്‍ഡ് നല്‍കുന്നതിന് മുമ്പ് ഈ ഇടപാടിന് അനുമതി തേടിക്കൊണ്ട് വൈദ്യുതി റെഗുലേറ്ററി കമ്മീഷന് കെഎസ്ഇബി കത്തെഴുതിയിട്ടുണ്ടെന്നും അതിന്മേല്‍ അദാനി ഉള്‍പ്പെടെ മൂന്ന് കമ്പനികളുടെ കാര്യത്തില്‍ റെഗുലേറ്ററി കമ്മീഷന് 17-3-2021 ന് പബ്ലിക്ക് ഹിയറിംഗ് നടത്തുകയും ചെയ്തിട്ടുണ്ടെന്നും ചെന്നിത്തല ഇന്ന് വെളിപ്പെടുത്തിയിരുന്നു.
അതേസമയം, ഉടുമ്പന്‍ചോലയില്‍ വലിയ വിജയം ഉണ്ടാകുമെന്നും എന്ത് കുപ്രചരണം നടത്തിയാലും എല്‍ഡിഎഫ് ഇവിടെ ജയിക്കുമെന്നും എം എം മണി അവകാശപ്പെട്ടു. ഇരട്ടവോട്ട് ആരോപണം തോട്ടം തൊഴിലാളികളെ അധിക്ഷേപിക്കുന്നതിന് തുല്യമാണെന്നും അദ്ദേഹം ആരോപിച്ചു.
