ടിക് ടിക് ടിക് എന്ന ചിത്രത്തിന്റെ വിജയത്തിനു ശേഷം ജയം രവി നായകവേഷത്തിലെത്തുന്ന ചിത്രമാണ് അടങ്ക മാരു. ഇന്ന് സ്വാതന്ത്രദിനത്തില്‍ ചിത്രത്തിന്റെ ടീസര്‍ പുറത്തുവിട്ടിരിക്കുകയാണ്. സോഷ്യല്‍ മീഡിയയില്‍ ടീസര്‍ തരംഗമായിരിക്കുകയാണ്.
ആക്ഷന്‍ എന്റര്‍ടെയ്‌നര്‍ ചിത്രമായിരിക്കും അടങ്ക മാരു. പൊലീസ് ഓഫീസറുടെ വേഷത്തിലാണ് ജയം രവി പ്രത്യക്ഷപ്പെടുന്നത്. കാര്‍ത്തിക് തങ്കവേലുവാണ് ചിത്രം സംവിധാനം ചെയ്യുന്നത്.
റാഷി ഖന്നയാണ് നായിക. ഹോം മൂവി മേക്കേഴ്‌സാണ് ചിത്രം നിര്‍മ്മിക്കുന്നത്. വിക്രം വേദ ഫെയിം സാം സിഎസ് ആണ് സംഗീതം നിര്‍വഹിക്കുന്നത്. ചിത്രം ഉടന്‍ റിലീസിനെത്തുമെന്നാണ് പ്രതീക്ഷ.
