ദുബായ് : അന്തരിച്ച നടി ശ്രീദേവിയുടെ മൃതദേഹം ഇന്ത്യയിലേക്ക് കൊണ്ട് വരാനായി വിമാനത്താവളത്തിലേക്ക് കൊണ്ടുപോയി. സോനാപൂരില് എംബാം നടപടികള്ക്ക് ശേഷമാണ് മൃതദേഹം വിമാനത്താവളത്തിലേക്ക് കൊണ്ട് പോയത്. മുകേഷ് അംബാനിയുടെ ചാര്ട്ടേര്ഡ് വിമാനത്തിലായിരിക്കും മൃദദേഹം ഇന്ത്യയിലേക്ക് കൊണ്ട് വരിക.
ബുധനാഴ്ച വൈകുന്നേരം മുംബൈയില് നടിയുടെ അന്ത്യകര്മങ്ങള് നടക്കും. അന്ധേരി സെലിബ്രേഷന് സ്പോര്ട്സ് ക്ലബില് മൃതദേഹം പൊതുദര്ശനത്തിനുവയ്ക്കും.
ഇതിനിടെ ശ്രീദേവിയുടേത് അപകടമരണമാണെന്ന് ദുബായ് പോലീസ് വ്യക്തമാക്കി. സംഭവത്തില് ദുരൂഹതയില്ലെന്നും പരാതി ലഭിച്ചാല് വീണ്ടും അന്വേഷിക്കുമെന്നും പോലീസ് അറിയിച്ചു യാദൃച്ഛികമായ മുങ്ങിമരണമെന്നാണ് ഫോറന്സിക് റിപ്പോര്ട്ടില് പറയുന്നത്. അബോധാവസ്ഥയില് ബാത്ത് ടബിലെ വെള്ളത്തില് മുങ്ങിമരിക്കുകയായിരുന്നെന്നാണ് കണ്ടെത്തല്.