തന്റെ രാഷ്ട്രീയ കാഴ്ചപ്പാടുകൾ തുറന്നു പറഞ്ഞ് നടി ഷീല. ഒരു കാലത്ത് തനിക്ക് രാഷ്ട്രിയത്തിൽ വരണമെന്നും തെരഞ്ഞെടുപ്പിൽ മത്സരിച്ച് ജനപ്രതിനിധിയായി നാട് നന്നാക്കാൻ ആഗ്രഹമുണ്ടായിരുന്നുവെന്നും, എന്നാൽ ഇതൊക്കെ നല്ല കാര്യമാണെന്ന തെറ്റിദ്ധാരണ താൻ പിന്നീട് തിരുത്തിയെന്നും ഷീല പറഞ്ഞു.
മുതലകളും വലിയ തിമിംഗലങ്ങളുമൊക്കെയുള്ള രാഷ്‌ട്രീയത്തിൽ കൊച്ചുമീനായ എനിക്ക് ഒന്നും ചെയ്യാൻ കഴിയില്ലെന്നും മനസിലായി. ജനങ്ങൾ എപ്പോഴും രാഷ്‌ട്രീയക്കാരെ കുറ്റം പറയും. പണാധിപത്യം വാഴുന്ന രാഷ്ട്രീയക്കളരിയിൽ ചിലരെങ്കിലും പണം വാങ്ങി വോട്ടു ചെയ്യും. എന്നിട്ടെന്തിനാണ് രാഷ്‌ട്രീയക്കാരെ കുറ്റം പറയുന്നത് എന്നും ഷീല ചോദിച്ചു.
