സൂപ്പര്‍താരം സൂര്യ നായകനാകുന്ന പുതിയ ചിത്രം 24ല്‍ നടി നിത്യാ മേനോന്‍ ഗായികയാകുന്നു. ചിത്രത്തിന്റെ തെലുങ്ക് പതിപ്പിലാണ് നിത്യാ മേനോന്‍ പാടുന്നത്.
ഒരു താരാട്ട് പാട്ടായി ചിത്രീകരിച്ചിരിക്കുന്ന ഗാനത്തിന്റെ സംഗീതസംവിധാനം എആര്‍ റഹ്മാനാണ്.
സൂര്യയും നിത്യാ മേനോനും ഒന്നിച്ച് അഭിനയിക്കുന്ന ഗാനരംഗം കൂടിയാണിത്. ചന്ദ്രബോസാണ് ചിത്രത്തിലെ തെലുങ്ക് ഗാനങ്ങള്‍ക്ക് വരികളെഴുതിയിരിക്കുന്നത്.
ഒരു സയന്‍സ് ഫിക്ഷന്‍ ത്രില്ലറായി ഒരുക്കിയിരിക്കുന്ന ചിത്രത്തില്‍ സാമന്തയും നായികാവേഷത്തിലെത്തുന്നുണ്ട്.
മൂന്ന് കഥാപാത്രങ്ങളെയാണ് നായകന്‍ സൂര്യ ഈ സിനിമയില്‍ അവതരിപ്പിക്കുന്നത്. 24 എന്ന സംഖ്യ തന്നെയാണ് ചിത്രത്തിന്റെ സസ്‌പെന്‍സ്.
വിക്രം കെ കുമാര്‍ സംവിധാനം ചെയ്യുന്ന ചിത്രം നിര്‍മ്മിക്കുന്നത് സൂര്യയുടെ തന്നെ നിര്‍മ്മാണ കമ്പനിയായ സ്റ്റുഡിയോ ഗ്രീനും 2ഡി എന്റര്‍ടെയ്ന്‍മെന്റും ചേര്‍ന്നാണ്.
100 കോടിയാണ് ചിത്രത്തിന്റെ ബജറ്റ്. മെയ് ആറിന് ചിത്രം തീയറ്ററുകളിലെത്തും.
