കൊച്ചി: നടിയെ ആക്രമിച്ച കേസില് വിചാരണയടക്കമുള്ള തുടര്നടപടികള് നിര്ത്തിവെക്കണമെന്നാവശ്യപ്പെട്ട് പ്രോസിക്യൂഷന് ഹര്ജി ഫയല് ചെയ്തു. കോടതിയില് നിന്ന് സുതാര്യമായ വിചാരണ പ്രതീക്ഷിക്കുന്നില്ലെന്നും കോടതി മാറ്റം ആവശ്യപ്പെട്ട് ഹൈക്കോടതിയില് അപേക്ഷ നല്കുമെന്നും പ്രോസിക്യൂഷന് വ്യക്തമാക്കി.
അസാധാരണമായ നടപടിയാണ് കേസില് ഉണ്ടായിരിക്കുന്നത്. വിചാരണ മാറ്റണമെന്നാവശ്യപ്പെട്ട് പ്രത്യേക കോടതിയില് ഹര്ജി ഫയല് ചെയ്തിട്ടുണ്ട്. ഹൈക്കോടതിയില് ട്രാന്സ്ഫര് പെറ്റീഷന് നല്കുമെന്നും അതുവരെ വിചാരണ നടപടികള് നിര്ത്തിവെക്കണമെന്നുമാണ് ഹര്ജിയിലെ ആവശ്യം. കേസിലെ 182-ാമത്തെ സാക്ഷിയെ കഴിഞ്ഞ ദിവസം വിസ്തരിച്ചിരുന്നു.
ഹര്ജി ഇന്നു തന്നെ കോടതി പരിഗണിച്ചേക്കുമെന്നാണ് സൂചന. കോടതി നടപടികള് മറ്റൊരു കോടതിയിലേയ്ക്ക് മാറ്റുക എന്നതാണ് ട്രാന്സ്ഫര് പെറ്റീഷന്റെ ലക്ഷ്യം.