ചെന്നൈ: തമിഴ് താര സംഘടനയായ നടികര്‍ സംഘത്തിന്റെ ഓഫീസ് നിര്‍മാണത്തിന് ഒരു കോടി രൂപ സംഭാവന നല്‍കി നടന്‍ വിജയ്. സംഘം ജനറല്‍ സെക്രട്ടറിയും നടനുമായ വിശാലാണ് സോഷ്യല്‍ മീഡിയലിലൂടെ ഇക്കാര്യം അറിയിച്ചത്.വിജയിക്ക് നന്ദി അറിയിച്ചുള്ള കുറിപ്പും വിശാല്‍ പങ്കുവെച്ചിട്ടുണ്ട്.’നിങ്ങള്‍ക്ക് നന്ദി എന്നത് രണ്ട് വാക്കുകള്‍ മാത്രമാണ്. പക്ഷേ അദ്ദേഹം അത് സ്വന്തം ഹൃദയത്തില്‍ത്തട്ടിയാണ് ചെയ്തത്. പ്രിയപ്പെട്ട നടനും സഹോദരനുമായ വിജയെ കുറിച്ചാണ് പറയുന്നത്. നടികര്‍ സംഘം കെട്ടിടനിര്‍മാണത്തിന് അദ്ദേഹം ഒരുകോടി രൂപ സംഭാവന നല്‍കിയിരിക്കുന്നു. നിങ്ങളുടെ പിന്തുണയും പങ്കാളിത്തവുമില്ലാതെ ആ കെട്ടിടം പൂര്‍ണമാകില്ലെന്ന് എല്ലാവര്‍ക്കുമറിയാമായിരുന്നു. എത്രയും വേഗം അത് സാധ്യമാക്കാന്‍ നിങ്ങള്‍ ഞങ്ങള്‍ക്ക് ഇന്ധനം നല്‍കി സഹോദരാ’ എന്നാണ് വിശാല്‍ എക്സില്‍ കുറിച്ചത്.
@actorvijay Thank u means just two words but means a lot to a person wen he does it from his heart. Well, am talking about my favourite actor our very own #ThalapathiVijay brother for DONATING ONE CRORE towards our #SIAA #NadigarSangam building work. God bless u.
Yes we always… pic.twitter.com/EzJtoJaahu
— Vishal (@VishalKOfficial) March 12, 2024
2017ലാണ് നടികര്‍ സംഘത്തിന്റെ ഓഫീസ് നിര്‍മാണം ആരംഭിച്ചത്. എന്നാല്‍ പല കാരണങ്ങളാല്‍ പണി മുടങ്ങുകയായിരുന്നു. കെട്ടിടം പണിയുമെന്ന വാഗ്ദാനവുമായാണ് അസോസിയേഷന്റെ നിലവിലെ ഭാരവാഹികള്‍ അധികാരമേറ്റത്. നിരവധി താരങ്ങളാണ് സഹായവുമായി സംഘടനയെ പിന്തുണയിക്കാന്‍ രംഗത്തെത്തിയിരിക്കുന്നത്.നേരത്തെ കമല്‍ഹാസനും കെട്ടിട നിര്‍മാണത്തിന് ഒരു കോടി രൂപ സംഭാവന നല്‍കിയിരുന്നു. തമിഴ് സിനിമാ അഭിനേതാക്കള്‍ക്കായി രൂപീകരിച്ച യൂണിയന്‍ ഫിലിം ബോഡിയാണ് നടികര്‍ സംഘം അഥവാ സൗത്ത് ഇന്ത്യന്‍ ആര്‍ട്ടിസ്റ്റ് അസോസിയേഷന്‍.
