തമിഴ്നാട്: തമിഴ്നാട്ടില് വാക്സിനേഷന് ക്യാമ്പൊരുക്കാന് നടന് സൂര്യ. ജൂലൈ 6,7 ദിവസങ്ങളില് ചെന്നെ നഗരത്തിലാകും ക്യാമ്പ് സംഘടിപ്പിക്കുക. ചെന്നൈ കോര്പ്പറേഷനും ഇതില് പങ്കാളികളാകുന്നുണ്ട്. താരത്തിന്റെ നിര്മാണ കമ്പനിയായ 2 ഡി എന്റര്ടെയ്ന്മെന്റിലെ ജീവനക്കാര്ക്കും ഇതിലൂടെ വാക്സീന് ലഭ്യമാക്കും.
കൊവിഡിന്റെ തുടക്കം മുതല് നടന്റെ ഉടമസ്ഥതയിലുള്ള ജീവകാരുണ്യ സംഘടനയായ അഗരം ഫൗണ്ടേഷന് സംസ്ഥാനത്ത് നിരവധി ദുരിതാശ്വാസ പ്രവര്ത്തനങ്ങള് നടത്തിയിരുന്നു. ലോക്ഡൗണില് ജോലിയില്ലാതെ സാമ്പത്തിക പ്രതിസന്ധിയിലായ സിനിമാപ്രവര്ത്തകരെ സഹായിക്കാനും ഇവര് രംഗത്തെത്തി.
കഴിഞ്ഞമാസം സൂര്യയും ജ്യോതികയും വാക്സിന് ആദ്യ ഡോസ് സ്വീകരിക്കുകയും ചിത്രങ്ങള് സമൂഹികമാധ്യമങ്ങളിലൂടെ പങ്കുവയ്ക്കുകയും ചെയ്തിരുന്നു.