കോഴിക്കോട്: നടി കോഴിക്കോട് ശാരദ (84) വിടവാങ്ങി. ഹൃദയാഘാതത്തെ തുടര്ന്നായിരുന്നു അന്ത്യം. കോഴിക്കോട് മെഡിക്കല് കോളേജില് ചികിത്സയിലായിരുന്നു.
നാടകങ്ങളില് അഭിനയിച്ചുകൊണ്ടായിരുന്നു ശാരദ അഭിനയ ജീവിതത്തിന് തുടക്കമിടുന്നത്. 1979-ല് അങ്കക്കുറി എന്ന സിനിമയിലാണ് ആദ്യം അഭിനയിച്ചത്.
ഐ.വി ശശി സംവിധാനം ചെയ്ത അനുബന്ധം, നാല്ക്കവല, അന്യരുടെ ഭൂമി എന്നീ ചിത്രങ്ങളില് അഭിനയിച്ചു. ഉത്സവപ്പിറ്റേന്ന്, സദയം, സല്ലാപം, കിളിച്ചുണ്ടന് മാമ്പഴം, അമ്മക്കിളിക്കൂട്, നന്ദനം, യുഗപുരുഷന്, കുട്ടിസ്രാങ്ക്. എന്നിവയുള്പ്പെടെ എണ്പതോളം ചിത്രങ്ങളില് ശാരദ അഭിനയിച്ചിട്ടുണ്ട്.
സിനിമകള് കൂടാതെ ജനപ്രിയ ടെലിവിഷന് സീരിയലുകളിലും നടി സജീവമായിരുന്നു.