തിരുവനന്തപുരം: ഡിവൈഎസ്പിയുമായി റോഡില് വച്ച് തര്ക്കിച്ചു കൊണ്ടിരിക്കെ യുവാവ് വാഹനമിടിച്ച് മരിച്ച സംഭവത്തില് നെയ്യാറ്റിന്കര ഡിവൈഎസ്പി ഹരികുമാറിനെതിരെ കൊലക്കുറ്റത്തിന് കേസ്.
നെയ്യാറ്റിന്കര കാവുവിള സ്വദേശി സനല് (32) ആണ് മരിച്ചത്. രാത്രി പതിനൊന്ന് മണിയോടെയായിരുന്നു സംഭവം. വണ്ടിമാറ്റുന്നതുമായി ബന്ധപ്പെട്ട തര്ക്കത്തിനിടെയാണ് അപകടം നടന്നത്. ഇരുവരും പരസ്പരം ഉന്തും തള്ളും നടക്കുന്നതിനിടെയാണ് അപകടമുണ്ടായത്. ഡിവൈഎസ്പി ഹരികുമാര് നെയ്യാറ്റിന്കര കൊളങ്ങാവിളയില് ഒരു വീട്ടിലെത്തിയിരുന്നു. അവിടെ നിന്നും തിരികെ പോകുന്നതിനിടെ ഡിവൈഎസ്പിയുടെ വാഹനത്തിന് പുറകില് പാര്ക്ക് ചെയ്ത വണ്ടി മാറ്റിയിടുന്നതുമായി ബന്ധപ്പെട്ടുണ്ടായ തര്ക്കമാണ് അപകടത്തിന് കാരണമെന്ന് ദൃക്സാക്ഷികള് പറഞ്ഞു.
സംഭവത്തില് പ്രതിഷേധിച്ച് ചൊവ്വാഴ്ച നെയ്യാറ്റിന്കരയില് രാവിലെ ആറ് മുതല് വൈകിട്ട് ആറ് വരെ നാട്ടുകാര് ഹര്ത്താല് പ്രഖ്യാപിച്ചിരിക്കുകയാണ്.